Suriyadan açılan atəşdən sonra Türkiyə Silahlı Qüvvələrinin (TSK) 60 xüsusi təyinatlı desantdan ibarət 2 taboru İŞİD-in nəzarətində olan Suriyanın Ayyaşə kəndinə girib. ANS PRESS-in məlumatına görə, sərhəddən 9 km içəriyə girən desantlar kəndə nəzarəti ələ keçiriblər. "Yeni Şəfəq” qəzetinin məlumatına görə, TSK desantları Suriyanın kəndinə girərkən radiostansiyaları bağlamayıblar. Bu isə o deməkdir ki, əsgərlər orda uzun müddət qalmayacaqlar. Əməliyyata isə TSK-nın qərargahından peyk vasitəsilə nəzarət olunub. Eyni zamanda qaubitsalarla da İŞİD mövqeləri atəşə tutulub. TSK-nın isə Ayyaşə kəndində istehkam qurmağı planlaşdırdığı bildirilib.


TSK xüsusi təyinatlı desantları

Xatırladaq ki, iyulun 20-də gündüz saatlarında Türkiyə Şanlıurfa vilayətinin Suruc rayonunda kamikadze terrorçunun aksiyada törətdiyi partlayış nəticəsində 32 nəfər ölüb, yüzdən çox insan isə müxtəlif dərəcəli bədən xəsarətləri alıb. Yaralılar arasında vəziyyəti ağır olanlar olduğundan ölü sayının çoxalacağı istisna olunmur.


Surucda keçirilən aksiya. Partlayışdan əvvəl

Surucda keçirilən aksiyada toplaşanların İŞİD tərəfindən xarabaya çevrilmiş Suriyanın Kobani şəhərinə getməyə hazırlaşdıqları bildirilirdi. Bu səbəbdən də kamikadze hücumunu İŞİD terrorçuları tərəfindən həyata keçirildiyi ehtimalı üzərində dayanılmışdı. Bu hadisədən sonra Türkiyənin bir çox şəhərlərində PKK tərəfdarları iznsiz aksiyalara başlamış, baş vermiş gərginliklər zamanı çox sayda insan xəsarət almışdı.

Dünən isə Şanlıurfada 2 polis əməkdaşının yaşadığı evdə başından güllələnmiş vəziyyətdə meyiti aşkarlanmış, cinayətin məsuliyyətini PKK öz üzərinə götürmüşdü. Bundan başqa terrorçular Adana şəhərində şaqqallı bir kişini İŞİD üzvü olduğunu iddia edərək ailəsinin gözü qarşısında öldürmüşdülər.


Surucda başverən partlayışdan sonra PKK terrorçuları bir çox şəhərdə iznsiz alsiyalara başlayıb

Ötən gün Diyarbakırda daha bir qanlı hadisə baş vermiş, silahlı hücum nəticəsində bir polis öldürülüb, 2-si isə yaralanmışdı. Kilisdə isə Suriya tərəfindən açılan atəş nəticəsində bir türk əsgəri şəhid olub, 2 çavuş yaralanıb.

Bundan sonra TSK-ya bağlı desantlar Suriya sərhəddindən 9 km içəriyə girərək İŞİD-in nəzarətində olan Ayyaşə kəndini ələ keçiriblər.