Demokratik Azərbaycan Dünyası Partiyasının (DADP) sədri Türkiyə prezidenti Rəcəb Tayyib Ərdoğana başsağlığı verib.
Moderator.az -ın məlumatına görə, başsağlığında deyilir:
"Biz Demokratik Azərbaycan Dünyası Partiyası (DADP) olaraq, Ankarada baş verən terror hadisəsi nəticəsində çoxsaylı insan tələfatı ilə bağlı qardaş Türkiyə xalqına, həlak olanların yaxınlarına başsağlığı veririk.
Ankarada günahsız insanların ölümü ilə nəticələnən faciəli terror hadisəsi bizi də sarsıtdı. Kədərinizi bölüşürük. Demokratik Azərbaycan Dünyası Partiyası (DADP) günahsız insanların, bütövlükdə bəşəriyyətin məhvinə doğru yönəlmiş istənilən terroru pisləyir, onu törədənləri və onların himayəçilərini lənətləyir.
Ağır dərdi yaşayanlarla birgə olduğumuzu bildiririk. Biz hər zaman qardaş Türkiyənin yanındayıq. Acınız acımızdır!
Dünyasını dəyişənlərə Allah Rəhmət eləsin!"
Xəbərdən istifadə edərkən istinad etmək vacibdir.