Şəhid Mirzəyev Teymur İsmayıl oğlunun bacısı generalın onun əmlakını mənimsədiyini iddia edir.
Xeberle.com-a müraciət edən Minəxanım Mirzəyeva Azərbaycan Respublikası Daxili Qoşunlar Komandanının birinci müavini - Qərargah rəisi, general-mayor Tofiq Hüseynov və qardaşının onun 24 hektar torpağını dələduzluq yolu ilə mənimsədiyini bildirir:
"Mən, Mirzəyeva Minəxanım İsmayıl qızı Sumqayıt şəhər sakini, şəhid bacısıyam. Dövlət başçısının şəhid ailələrinə ayırdığı və mənim adıma olan 4 hektar torpaq sahəsini, o vaxtlar polkovnik-leytenant olan, hazırda isə DİN-də general rütbəsində olan orada gərargah rəisi vəzifəsində çalışan Tofiq Hüseynov, mənim etibarımdan sui istifadə edərək, qardaşı Vahid Hüseynov, "El Plastik” MMC-nin sədri Gülağa Abışov və Səbuhi Əliyev qoyaraq 4.000.000 (dörd milyon) AZN pul götürdülər. Göstərilən məbləği götürdükdən sonra Tofiq Hüseynov mənim telefonumdan ona gedən zənglərə qadağa qoydu. Əslində isə Tofiq Hüseynov mənim torpağıma sənəd düzəltmək adı ilə məndən notariat qaydada etibarnamə ilə almışdı. Mən də onun kömək edəcəyinə inandığım üçün ona etibarnamə verdim. Çünki o hərbi formada idi. Mən də o formaya görə ona inandım. Bu da torpağa , "El Plastik” MMC-nin sədri Gülağa Abışovu alıcı kimi tapdı. Mən də dedim problem deyil təki satıb mənim pulumu verəsən. Bunlar da torpağı özəlləşdirib, həmin bu torpağı "Avrasiya" bankına ipoteka krediti açdırıb, girov qoydular. Mən Sumqayıt məhkəməsinə verdim, mənim xeyrimə qərar verdilər.Bunlar bundan sonra Apelyasiya məhkəməsinə və Ali Məhkəməyə verdilər.Həmin məhkəmələr mənim əlehimə qərar çıxardı.Konstitusiya Məhkəməsinə müraciət etdim, orda da uduzdum.
İndi mən ölkə başçısı İlham Əliyevdən və birinci vitse-prezident Mehriban Əliyevadan xahiş edirəm ki, bu məsələni araşdırıb, mənə kömək göstərsinlər."
Qarşı tərəfin də mövqeyin işıqlandırmağa hazırıq.
Xəbərdən istifadə edərkən istinad etmək vacibdir.
