Məhərrəm ayının 9-u, Tasua günü (hicri-qəməri tarixi ilə 61-ci ildə) İmam Hüseyn (ə) və Əhli-beytin (ə) digər üzvlərinə Kərbəla səhrasında edilən zülm islam dünyasında xüsusi anılır.
Xeberle.com InterAz-a istinadən xəbər verir ki, "tasua" ərəb dilində doqquzuncu deməkdir ki, məhərrəm ayının 9-cu günü də məhz belə adlandırılıb.
Həmin gün Yezid qoşununun sərkərdəsi Ömər bin Sədin qoşunları tam şəkildə Kərbəlaya toplaşır və İmam Hüseynin (ə) karvanını mühasirəyə alır. İmama bir daha Yezidə beyət etmək təklif olunur. İmam isə ölümün zillətli həyatdan daha şərafətli olduğunu söyləyir və tərəfdarlarına ertəsi gün-Aşura günü şəhid olacaqlarını xəbər verir, onlara karvandan ayrılmaq və ya qalmaq barədə seçim etməkdə ixtiyar sahibi olduqlarını bildirir.
Tarixi faktlara əsasən, Ömər bin Səd İmam Hüseynə (ə) və onun yaxınlarına qarşı müharibəni elə Tasua günü başlamaq istəyir. Lakin İmam Hüseyn (ə) ibadət etmək üçün qardaşı Həzrət Əbülfəzl Abbas (ə) vasitəsilə bir gün möhlət istəyir. İslam düşmənlərinin ordusu əvvəlcə buna razı olmaq istəməsə də, sonradan razı olur.
Xəbərdən istifadə edərkən istinad etmək vacibdir.
