Hava şəraiti anomal isti keçəndə azhərəkətli hava kütləsi yaranır və belə şəraitdə temperatur yüksəlməsi müşahidə olunur. Bu da qatı dumanın yaranması üçün zəmin yaradır.
Xeberle.com xəbər verir ki, bunu Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva deyib.
Onun sözlərinə görə, son dövrlərdə sahildə yerləşdiyi üçün Abşeron yarımadasında və Bakıda dumanlı günlərin sayı artır: "Son günlər havanın bu fəsil üçün xarakterik olmayan formada isti keçməsi meteohəssas insanlara mənfi təsir göstərmir. Çünki insanların istənilən hava şəraitinə uyğunlaşması baş verir. Məsələn, bizim vətəndaşlar şimal ölkəsinə səyahət edəndə iqlim fərqinin yaranması onlara mənfi təsir edir. Azərbaycanda, xüsusilə də Abşeron zonasında yaşayanlar isə qışın mülayim-isti keçməsinə öyrəşiblər".
Xəbərdən istifadə edərkən istinad etmək vacibdir.
