Volf Мessinqin həyatı bəşəriyyət tarixində ən həyəcanlı müəmmalardan biri olaraq qalır. Hadisələrin bir dəqiqə, bir saat, bir ayda, bir il, 10, bəlkə də 20 il əvvəldən dəqiqliklə xəbər verə bilmə fenomenini başa düşmək üçün Messinqin, fikirləri necə oxuduğunu anlamaq lazımdır. Analitik.az xəbər verir ki, bu sualın qarşıında müasir elm hələ ki acizdir. Мessinq özü "fikirləri necə oxuyursunuz”, kimi suallara acı zarafatla cavab verirdi: Yoldaşlar, özünüzü korlar ətrafında təsəvvür edin, siz onların, əşyalara əl ilə toxunmadan necə görə bilirsiz, sualına cavab verə bilərdinizmi?.. Bəli, mən sadəcə, o fikirləri görürəm.
Volf Messinq – dünya şöhrətli hipnozçu, gələcəyi xəbər verən, telepat Freydin tələbələrindən olub. Qeyri-adi fitri qabiliyyəti ilə Messinq, hər bir adamı öz iradəsinə tabe edə bilirmiş. Messinq ömür boyu bir cox qəliz cinayətləri açıb, gələcəkdən xəbər verib. O, Rusiyanın və başqa dövlətlərin gələcəyindən çox önəmli xəbərlər verib. Lakin milyonların təəccübünə səbəb olan bu ilahi vergini Messinq özünün lənəti sayırmış...
Avropada hipnozçu kimi başgicəlləndirici karyera quran Messinq, seansların birində sensasiyalı bəyanat verir. Bəşəriyyətin İkinci Dünya müharibəsi ərəfəsində olduğunu gözəl bildiyindən, elə səhnədəncə, Hitleri SSRİ əleyhinə müharibəyə baş qoşmamaq haqda xəbərdarlıq edir. Almaniyanın məğlubiyyətə uğrayacağını və fürerin özünün isə məhv olacağını söyləyir.
Polşa qəzetləri Messinqin bu sözlərini çap edirlər və Almaniya ordusu Polşayanı zəbt etdikdən sonra, Hitler bu "yəhudi bayquşunu” tutmaq əmri verir. Onun başına o dövr üçün astronomik məbləğ sayılan 200 min marka vəd edilir. Мessinqin portretlərini bütün afişalara yapışdırırlar. Messinq ilk vaxtlar məharətlə iz azdırır, ustalıqla gizlənə bilirdi, amma günlərin bir günü, axır ki, ələ keçdi. Bir dəfə işğal olunmuş Varşavada bir alman zabiti Messinqi tanıyır və onu yumruq zərbəsi vurub, deyir "Azğın köpək! Fürer məhv olacaq deyən sən idin!" Gözlənilməz zərbədən Messinq özünə nəzarəti itirir, lakin çətinliklə də olsa, qanı axa-axa alman zabitinə aşılaya bilir ki, onu gestapoya yox, polis bölməsinə aparsın.
Zabit tabe olur və Меssinqi polis məntəqəsinə aparır. Volf başa düşürdü ki, həyatı tükdən asılıdır. Gecəni gözləyən Меssinq, öz nəhəng iradəsinin gücü ilə bütün növbə çəkən polisləri kameraya toplayır. 6 nəfər divar boyunca sakitcə dayanırlar. Меssinq ölü sifəti ilə özünü güclə toplayıb ayağa qalxır və mühafizəçinin əlindən açarı götürüb, cəld otaqdan çıxıb kameranı yenidən bağlayır. Bu əhvalat 1939-cu ilin yazında baş verir... Elə həmin gün Messinq, SSRİ-yə, Stalinin yanına qaçmaq qərarına gəlir. Halbuku bilirdi ki, burada da onu qorxulu tale gözləyir. Messinqin sovet sərhədini necə keçib, Moskvaya qədər sağ-salamat gəlməsi haqda demək olar ki, heç bir məlumat yoxdur.Меssinq özü qələminin məhsulu olan memuarlarında bu barədə çox ehkamla danışır. Görünür, o, öz bacarığını tam gücü ilə işə salıb, lakin Stalinlə görüş belə mistik bacarığa malik insan üşün sözün əsl mənasında bir sınağa çevrilir. Stalin elə xarakterə malik insan imiş ki, Volf ona asanlıqla, birbaşa təsir edə bilməyib. Ona görə də özü belə bilmirdi ki, görüş nə ilə qurtaracaq.
SSRİ-nin qələbə tarixini müharibənin ilk günündən bilirdi
Stalinin ona verəcəyi birinci sualı, Меssinq hələ onu Kremlə maşınla aparanda oxumuşdu: Stalin öz ölüm saatını öyrənmək istəyirdi. Меssinq cavabı bilsə də, onu qabaqlayaraq, lap əvvəldən qətiyyətlə bildirdi ki, o, bu barədə suala heç vaxt cavab verməyəcək, hətta böyük rəhbər Stalinin özünə də. Karıxmış başçı Меssinqə tabe olmaq məcburiyyətində qalır. Beriya mediumun qabiliyyətini bir neçə formal sınaqdan keçirərək, yoxlayır. Məsələn, bankdan boş çeklə yüz min rubl çıxarmaq və Kremldən buraxılış vərəqəsi olmadan çıxmaq əmri verib. Bu haqda hətta mühafizəçilərə də xəbərdarlıq edilibmiş. Меssinq bütün bunların öhdəsindən çox asanlıqla gəlir. Deyirlər ki, qəzəblənmiş Stalin, Messinqin Kremldən vəsiqəsiz necə çıxdığını bilmək üçün mühafizəçiləri yoxlamalı olub. Sən demə, mühafizəçilərə buraxılış vəsiqəsi kimi təqdim olunan adi qəzet parçası imiş...Yalnız bundan sonra Messinqi sakit buraxaraq, səhnədə fikirləri oxuyaraq, çıxış etməyə icazə verirlər.
Müharibə başlayandan 10 gün sonra Stalin, Messinqi Siyasi Büronun iclasına çağırır. Меssinq ondan nə soruşulacağını bilirdi, lakin necə hərəkət etmək lazım olduğunu tərəddüdlə düşünürdü: Həqiqəti demək və ya özünü elə göstərmək ki, guya cavabını bilmir? Amma hər halda risk etmək qərarına gəlir. İclasda müharibənin katostrafik başlanmasını müzakirə edirdilər. Stalin münasib bir məqam tapıb Меssinqə müraciət edərək soruşur: "Yoldaş Меssinq, deyin, müharibə nə ilə və nə zaman başa çatacaq? Ancaq açıq danışın. Heç nədən qorxmayın.” Messinq müharibənin 1945-ci ilin mayında SSRİ-nin qələbəsi ilə bitəcəyini deyir. Stalin çaş-baş qalır: O bilmirdi ki, necə reaksiya versin, belə çıxırdı ki, dövləti yorucu müdafiə tərəfə yönəltmək, dördillik müharibəyə və milyonlarla insanın həyatını qurban verməyə hazır olmaq lazımdır. Beriya birinci ayağa sıçradı və qışqırdı: Yalançı! Biz tez qələbə çalacağıq! Lakin Stalin: Siz azadsız – deyərək , onu ittihamlardan xilas etdi. Ümumiyyətlə, Messinq-Stalin münasibətləri barədə çox şeylər danışılır. Deyilənlərə görə bütün müharibə boyu Messinq Stalinə məsləhətlər verib.
9 may 1945-ci il Messinq əməkdaşlığa görə təşəkkür teleqramı alır...
Bu faktlara Messinqin sovet dövətinqə qalma müddətinə daha bir neçə məlumatları əlavə etmək olar. Əslində, onun həyatı indiyə qədər məxfi saxlanılır. Deyilənə görə, müharibə illərində o, SMERŞA (DTK-nın nəzdində hərbi kəşfiyyatın filialı) ilə əməkdaşlıq edib və həbs olunmuşların fikirlərini oxuyaraq, onun düz və ya yalan danlşdığını deyirdi. Yaxud məhbusun günahsız olduğunu və ya alman casusu olduğunu bildirirdi. İfşa olunanlar dərhal güllələnirdi. Başqa bir əfsanələrə görə Меssinq, psixotrop silah yaratmaq cəhdlərində iştirak etmişdi. Buna inanmaq olar, çünki o, özü istəyirdi ki, onun qabiliyyəti öyrənilsin və arzulayırdı ki, fikirləri oxumaq hamı üçün əlçatan olsun. Volf Qriqoryeviç bütün dahiliyi ilə bərabər uşaq kimi sadəlövh idi və bilmirdi ki, əgər onun arzusu reallaşarsa, bəşəriyyətin həyatı cəhənnəmə çevrilər. Çünki fikir və hisslərin sirri, canlı aləmin təməl daşıdır.
Messinqin istedadına tabe olmayan oğlanın beyni
Lakin onun xaricdəki fəaliyyəti, sirr pərdəsi ilə örtülməyib. Onun həyatının ən çox təsir bağışlayan hadisələri arasından, qraf Çartoriykinin оğurlanmış almaz sancağını necə tapmasını xatırlamaq maraqlı olardı. Qraf ailə yadigarı olan qiymətli zinət əşyasını tapmaqdan ötrü, Messinqin dalınca öz şəxsi təyyarəsini göndərir. Krakov yaxınlığında yerləşən malikanəyə gələn Messinq, qəsrin sakinlərinin, o cümlədən qrafın da onun önündən keçməsini istəyir. Mediumun qarşısından 45 nəfər keçir. Onların heç biri zinət əşyasını oğurlamamışdı. Və yalnız bir tək insanın fikrini Messinq oxuya bilməyib: bu, qəsrin idarəedicisinin oğlu idi. Ağıldan kəm olan bu xəstə uşağın beyni sanki keçilməz pərdə ilə örtülmüşdü. Qraf bu bədbəxti sevirdi, onun bütün otaq və saxlanclara daxil olmaq hüququ vardı. Меssinq düşündü ki, bəlkə oğlan axmaqlığının ucbatından bilməyərək oğurluq edib?
Onda o, bu dəfə intuisiyası ilə deyil, adi insanlarda olduğu kimi, ağlı ilə fikirləşərək, tələ qurub öz qızıl zəncirli saatını nümayişkaranə şəkildə fırlatdıqdan sonra onu stolun üstünə qoydu və zaldan çıxdı. Qapının arasından izləyərkən, oğlanın dərhal saatı götürüb, gözləri qarşısında fırlatdığını, sonra isə küncə qoyulan ayı müqəvvasına sarı qaçdığını gördü. Uşaq meymun çevikliyi ilə tullanaraq, saatı ayının ağzına atdı... Artıq hər şey məlum idi: Müqəvvanın başını kəsdikdə, içindən başqa xırda əşyalarla yanaşı, həmin o əfsanəvi almaz qaşlı cancaq da cıxdı. Bu hadisənin qəribəliyi ondadır ki, Меssinq ömrü boyu yalnız bir dəfə cavab vermək qarşısında aciz qalb: mediumun dağıdıcı hücumuna tabe olmayansa, nə qədər təəccüblü olsa da, ağıldankəm bir oğlanın beyni olub...
Onun beyni spirtin içində saxlanılır
Özünün yaxınlarına Меssinq dəfələrlə bəsirətli adamın aqibətinin nə qədər ağır olduğunu demişdi. Axı, sevimli arvadının həyatdan gedəcəyi günü və saatı bilmək doğurdan da dəhşətlidir, Varşava şəhərindəki ana, ata və dörd qardaşının ölümünü görməmək, öz ölümün dəqiq tarixini bilməməksə nə böyük xoşbəxtlik olardı. Ömrünün son illərini o, kədər və qüssə içində keçirir. Sonuncu dəfə evdən gedərkən, o, birdən öz açarlarını konsertmeysterə verir. O, təəccübləndikdə, "Volf Меssinq daha bura qayıtmayacaq", deyə bildirir. Şahidlər deyirlər ki, Меssinqin talisman hesab etdiyi almaz qaşlı üzüyü vardı. Onun ölümünü bu üzüklə bağlıyanlar da var. Bir dəfə onu oğurlayırlar və Меssinq çox həyəcan keçirir. O iddia edirmiş ki, bunu kimin etdiyini bilir. Üzüyün itməsindən cəmi bir neçə gün sonra isə dünyasını dəyişir.
Yeri gəlmişkən, telepatiyayla təcrübələr Sovet İttifaqında 20-ci illərin əvvəllərindən Leninqrad şəhəri Beyin institutunda keçirilib. Deyilənlərə görə, məhz bu institutda, hazırda, Меssinqin özünün vəsiyyətinə əsasən, onun spirtlənmiş beyni saxlanılır. Onun üzərində aparılan araşdırmalar nəticəsində bu qeyri-adi insanın beyninin ən adi insan beynindən heç bir əlamətlə fərqlənmədiyi məlum olur.
Volf Меssinq ömrü boyu nədənsə qaçıb. Valideynləri ilə birlikdə yaşadığı darıxdırıcı həyatdan uğura doğru qaçıb. Sovet ittifaqında faşizmin dəhşətlərindən xilasını axtarıb. Oradan cənub sərhədi vasitəsilə İrana qaçmağa cəhd göstərib. Bundan sonra onun cəbhə üçün təyyarə almağa və təyyarəçilərə bağışlamağa gücü çatıb, amma özü heç yerə uça bilməzdi. O, dünyanın ən yaxşı həkimlərinə yardım üçün müraciət edə bilərdi, lakin ölkədən çıxa bilmirdi. Volf Меssinq öz ölümünün qarşısını ala bilmədi, halbuki o, öz vəfat tarixini bilirdi. Ona yaşamaq və işləmək lazım idi, düşünmədən ki, 1974-ci il oktyabrın 8-də ürəyində keçirilən cərrahi əməliyyatdan sağ çıxa bilməyəcək. (analitik.az)
