Müharibə və sevgi iki inkişaf mühərrikidir. Əgər sevgidə iki əks tərəf bir-birinə doğru əl uzadırsa, müharibədə isə bir-birinə qarşı mübarizə aparır. Müharibə yalnız bir qalibi olan oyundur; qalib olmaq üçün ölkələr silahlarını mümkün olduğu qədər mükəmməlləşdirməyə çalışırlar. Bəzən silah dünyasında da təsadüfən kəşflər edilə bilir. Sizə onlardan bəzilərini təqdim edirik:
1. Hidrofon
İlk hidrofon Recinald Fessenden tərəfindən 1914-cü ildə ixtira edilib və dərhal sualtı döyüşlərdə böyük müvəffəqiyyətə nail olub.
2. "Eniqma"
Alman şifrələmə maşını "Eniqma" mühəndis Artur Şerbius tərəfindən ixtira edilib. O, Birinci Dünya müharibəsinin sonlarında düşünülüb. Daha sonra onu Alan Türinq sındırıb.
3. Tanklar
İlk tank 1915-ci ildə britaniyalılar tərəfindən hazırlanıb və ilk dəfə 1916-cı ildə Somma döyüşündə istifadə edilib.
4. Odsaçan
Odsaçan qədim yunanlar tərəfindən eramızın I əsrinin əvvəlində ixtira edilib. Rixard Fidler 1901-ci ildə Almaniya ordusu üçün müasir odsaçan modeli layihələndirib. Almaniya ordusu odsaçandan 1915-ci ildə Verden ətrafında istifadə edib.
5. Zəhərli qazlar
Zəhərli qazlar silah kimi ilk dəfə Fransa ordusu tərəfindən 1914-cü ildə istifadə edilib. İlk kütləvi qaz hücumlarından biri 1915-ci ilin yanvarında almanlar tərəfindən Rusiya mövqelərinə edilib.
6. İşıqlı iz buraxan güllə
Ardınca işılqı iz buraxan güllə ilk dəfə 1915-ci ildə britaniyalılar tərəfindən istifadə edilib.
7. Təyyarələr üçün sinxronizator
Bu silah 1915-ci ildə Anton Fokker tərəfindən hazırlanıb. Lakin ilk dəfə onu fransalılar ixtira ediblər, konstruksiya isə ələ keçirilən Fransa qırıcı təyyarəsindən götürülüb.
8. Dərinlik bombaları
Dərinlik bombaları ideyası ilk dəfə 1913-cü ildə qeydə alınıb, ilk dərinlik mərmisi 1919-cı ildə britaniyalılar tərəfindən istehsal edilib. 1916-cı il martın 22-də dərinlik bombalarının köməyi ilə ilk alman sualtı gəmisi batırılıb.
9. Aviadaşıyıcılar
Aviadaşıyıcı göyərtəsindən ilk təyyarə 1912-ci ilin mayında havaya qalxıb.
10. Pilotsuz uçan aparatlar (PUA)
İlk PUA-lar 1916 və 1917-ci illərdə iki amerikalı ixtiraçı Elmer Sperri və Piter Hyuitt tərəfindən hazırlanıb. Tarixdə ilk PUA uçuşu 1918-ci il martın altısında Lonq-Aylenddə baş tutub.
11. Daşına bilən rentgen aparatları
1914-cü ilin oktyabrında Mariya Küri Fransa ordusu üçün hərəkət edə bilən rentgen stansiyaları ixtira edib. 1919-cu ildə amerikalı Federik Cons daha kiçik aparat hazırlayıb.
- See more at: http://salamnews.org/az/news/read/185072#sthash.aPThOng1.dpuf
Xəbərdən istifadə edərkən istinad etmək vacibdir.
