"PlayStation Now” xidməti sayəsində masaüstü kompüter sahiblərinin də "PlayStation” oyunlarını oynamaq imkanı yaranacaq.
İKT.lent.az-ın "vistanews.ru” saytına istinadən məlumatına görə, bu xidmətin rəsmi təqdimatı əvvəlcə Avropa ərazisində keçiriləcək. Sonradan isə digər regionlarda yayılacaq, Çin və Şimali Amerikanı da əhatə edəcək.
Yeni xidməti öz kompüterində quraşdıranlar "PlayStation”in 400-dən artıq oyununu oynaya biləcəklər.
Mütəxəssislərin fikrincə, belə tədbirlər ondan xəbər verir ki, masaüstü kompüterlərdə oyunlar daha geniş imkanlar qazanacaq, oyun konsolları isə tədricən mağazaların piştaxtalarından itəcək. Xidmətdən istifadə etmək üçün əlavə "DualShock 4 USB Wireless Adaptor” cihazını quraşdırmağa ehtiyac yaranacaq. Bu cihazın satışlarına sentyabrın əvvəllərində başlanacaq və qiyməti 25 dollar təşkil edəcək. Cihaz sayəsində istifadəçi simsiz şəbəkə vasitəsilə masaüstü kompüterdə oyunlar oynaya biləcək.
Xəbərdən istifadə edərkən istinad etmək vacibdir.
