Son 44 il ərzində (1970-ci ildən 2014-cü ilə qədər – red.) Yerdəki məməlilərin, quşların, balıqların, sürünənlərin və amfibiyaların 60%-i məhv olub.
Xeberle.com Axar.az-a istinadən xəbər verir ki, bu barədə məlumat Ümumdünya Vəhşi Təbiət Fondunun hesabatında yer alıb. Canlıların sayında ən çox azalmanın Cənubi və Mərkəzi Amerikada müşahidə edildiyi vurğulanıb. Belə ki, 1970-ci illə müqayisədə burada heyvanların sayı 89% azalıb.
Hesabatda bu canlıların insan fəaliyyəti ucbatından məhv olduğu bildirilib. Fond insanların planetin imkanlarından çox yüksək səviyyədə istifadə etdiyini və dünyanı məhv etdiyini açıqlayıb:
"XX əsrin əvvəllərinə qədər insanın istehlak etdiyi təbii resurslar çox aşağı idi. Bu, təbiətə imkan verirdi ki, verdiyi itkiləri bərpa edə bilsin. Son 50 ildə kənd təsərrüfatının genişlənməsi və əhalinin, eləcə də orta təbəqənin artımı fonunda təbii resurslardan həddən artıq istifadə ekosistemi məhvə sürükləyib. Bizim yaşamamız üçün vacib olan meşələr, okeanlar və çaylar azalmaq ərəfəsindədirlər. Bütün dünyada vəhşi təbiət deqradasiya olur. Artıq tələblərimizi təbiətin imkanlarına uyğunlaşdırmaq və evimiz olan yeganə planeti qorumaq vaxtı çatıb”.
Xəbərdən istifadə edərkən istinad etmək vacibdir.
