İngiltərəli azarkeş Tom Stills yuxusunda futbol matçının düzgün hesabını görüb və bu ona qazanc gətirib.
Xeberle.com Mirror nəşrinə istinadən bildirir ki, Stills İngiltərə ikinci liqasının 40-cı turunda keçirilən oyunda "Kolçester Yunayted"in "Kembric"ə qalib gələcəyini yuxusunda görür və bunu dostları ilə bölüşür. Dostları isə ona futbol mərci etməyi məsləhət görürlər. Britaniyalı azarkeş görüşün düzgün nəticəsinə 10 funt-sterlinq (22.41 AZN) pul qoyur. Matç 1-0 hesabı ilə, "Kolçester"in lehinə bitib və Stills mərcdən 418 funt (936,69 AZN) qazanıb.
"Mən sadəcə təəccübləndim. Bu hətta bir az məni qorxudur" deyə Stills bildirib. O bu pula Budapeştə bir səyahət də planlaşdırdığını sözlərinə əlavə edib.
Xəbərdən istifadə edərkən istinad etmək vacibdir.
