Güman edilir ki, filmin kinematoqrafik dəyəri sizin ona nə qədər baxa bildiyinizlə ölçülür. Biz əminik ki, siz bu filmlərə beş dəfə də baxsanız, hər dəfə gizli mənalar və ilk baxışdan nəzərə çarpmayan detallar tapacaqsınız:
1. Başqa dünya / Another Earth
"Başqa dünya” filmi heçdə Dünya, oxşarlar və ya sınıq güzgü haqqında yox, eyni adamların dəhşətli keçmişlərini unutmaq üçün başqa adam olmağa çalışmaları haqqındadır.
2. Ağıl oyunları / A Beautiful Mind
Bu real mövcud olan sadə və səmimi insanın çox heyranedici və təsirli hekayəsidir. Həmçinin, bu sevgi hekayəsidir – var olan və onsuz heçnə mümkün olmayan.
3. Doqvill / Dogville
Film insan təbiəti haqqındadır. Daha doğrusu, insanın mənəvi sərt təbiətini dəyişməyin qeyri-mümkün olduğu haqqında. Rejissor "Lars Von Trier”in amansız filmi özündən sonra yaxşılığa doğru dəyişikliklərin ola biləcəyinə dair heç bir ümid qoymur.
4. Başlanğıc / Inception
Film yuxu və reallıq arasındakı sərhədi pozur. Film yuxu aləminə dalmağa vadar edir, udur və bir anlıq belə buraxmır, amansızca bizim təsəvvürümüzlə oynayır.
5. Melanxoliya / Melancholia
Qaçmağa heç bir yer yoxdur, gizlənməyə heç bir yer yoxdur – hətta laxlayan körpü ilə yaxınlıqdakı kəndə getmək belə. Bu planetdə hardan qaçmaq olar! Bununla barışmaq qalır. Açıq səma altında oturmaq. Hamımız öləcəyik və hər birimiz tək öləcək – əl-ələ tutsaq belə.
6. Sülh döyüşçüsü / Peaceful Warrior
Daha şüurlu və nikbin yaşamağa vadar edən film. Bəzən məişət girdabına dalıb sonsuz gözəlliyi olan Dünya haqqında unudursan. O barədə ki, hər an nəsə baş verir və bu özlüyündə çox nadir və qəribə haldır.
7. Qal / Stay
Əsəb pozulması həddində olan "Henry” adlı tələbə psixoloqa gəlir və üç gün sonra, şənbə günü, gecəyarısı özünü öldürəcəyini bildirir. Çox kədərli və eyni zamanda nə vaxtsa "kino dili” ilə danışılan ən gözəl filmlərdən biridir.
8. Vanilli səma / Vanilla Sky
Film əsl sevgi haqqındadır. Lakin, bu sevgi heçdə sizin təsəvvür etdiyiniz kimi sevgi deyil.
9. Oyanış / Awakenings
İnanılmaz dərəcədə güclü filmdir. Güclü və kədərlidir. Məhz orada öz problemləri, qayğıları və kədərləri olan real insanlar var. Orada o qədər xarakterlər, məqamlar, sözlər var!
10. Dünyadan insan / The Man from Earth
Bu, çox az adamın bildiyi lakin izləndikdən sonra qəlbinə düşəcək olan bir filmdir. Bu, kinoteatra gedib baxacağınız bir film yox, evdə rahat şəraitdə, işdən və ya oxumaqdan sonra baxa biləcəyiniz filmdir. Bu filmdə dekorasiya dəyişikliyi yoxdur, filmin bütün fəaliyyəti faktiki olaraq bir evdə, bir otaqda baş verir.
Mənbə: pinqvin.az
Xəbərdən istifadə edərkən istinad etmək vacibdir.
