İyunun 3-də Abşeron-Xızı Regional Təhsil Şöbəsinin müdiri İlhamə Abdullayeva Sumqayıt şəhər və Hacı Zeynalabdin qəsəbə sakinlərini qəbul edib.
Sumqayıt şəhər 6 nömrəli tam orta məktəbdə keçirilən qəbulda 19 vətəndaş iştirak edib. Daha çox təhsil müəssisələrinin təmiri, işlə təmin olunma, əmək müqaviləsinin uzadılması, dərs yükü və digər mövzulara bağlı müraciət edilib.
Vətəndaşların etdikləri müraciət, şikayət və təkliflər qeydiyyata alınıb. Onların bir qismi yerindəcə həllini tapıb, digər məsələlərin həlli istiqamətində isə müvafiq göstərişlər verilib.
Növbəti səyyar qəbulun Abşeron rayonunda keçirilməsi nəzərdə tutulub.
Qeyd edək ki, səyyar qəbulun keçirilməsində əsas məqsəd yerlərdə vətəndaşları maraqlandıran məsələlərə operativ reaksiya vermək, təhsil keyfiyyətini yaxşılaşdırmaq və məktəblərdə sağlam və şəffaf mühit formalaşdırmaqdır.
Xəbərdən istifadə edərkən istinad etmək vacibdir.
