"2023-2024-cü tədris ilindən qəbul imtahanlarında I qrupa informatika fənni daxil ediləcək. Bununla bağlı proqram mart ayında ictimaiyyətə təqdim olunacaq”.
Bunu Dövlət İmtahan Mərkəzinin Direktorlar Şurasının sədri Məleykə Abbaszadə sosial şəbəkədə canlı yayımda bildirib.
O qeyd edib ki, bu, əlavə fənn olacaq: "İxtisaslar iki alt qrupa bölünəcək. III qrupda kim yalnız beynəlxalq münasibətlər və regionşünaslıq ixtisasını seçirsə, onun imkanı var ki, bir dəfə imtahana gəlsin. Ana dili, coğrafiya və tarix fənnindən imtahan versinlər, əlavə imtahana girməsinlər. Eyni məntiq I qrupda da təqdim olunacaq. İnformatika yönümlü – riyaziyyat, fizika və infor ixtisaslarını seçənlər bir imtihanda iştirak edə bilər. Yalnız kimya üzrə istiqaməti nəzərdə tutanlar riyaziyyat, fizika və kimyadan imtahan verirlər. Onları kimsə məcbur etmir ki, əlavə informatikadan imtahan versinlər”.
M. Abbaszadə, həmçinin bildirib ki, bu il informatika fənni ilə əlaqədar müəlliflər qəbul edilib: "Qəbul proqramı elə nəzərdə tutulur ki, birinci illər imtahan kağız daşıyıcıları əsasında olsun. Növbəti illərdə isə kompüter vasitəsilə keçiriləcək. Bununla bağlı əlavə planlarımız var. Bu il I qrupda informatika fənni daxil olmayacaq. Gələn ildən isə həmin fənnin olması nəzərdə tutulur. Mart ayında, bəlkə də, bir az tez gələn ilki proqram ictimaiyyətə təqdim olunacaq”
Xəbərdən istifadə edərkən istinad etmək vacibdir.
