Türkdilli Dövlətlərin Parlament Assambleyası (TÜRKPA) tərəfindən "Heydər Əliyev və parlamentarizm" və "TÜRKPA-nın 15-ci il dönümü: Keçmişin təcrübəsi, bu günün reallıqları və gələcək persoektivlər" mövzusunda iki konfrans keçirilib.
Hər iki konfransda türk dövlətlərinin parlament və səfirlik nümayəndələri, həmçinin digər rəsmilər, media mənsubları iştirak edib.
Tədbirdə iştirak edən Millət vəkili Müşfiq Məmmədli Xeberle.com-a açıqlamasında bildirib ki, "Heydər Əliyev və parlamentarizm" adlı konfransda çıxış edənlər türk dövlətlərinin birliyi məsələsinin ulu öndər Heydər Əliyevin dövlət siyasətinin vacib parçası olduğunu, Türkiyə və Azərbaycan dövlətləri arasındakı "İki dövlət, tək millət" anlayışının digər türk dövləti arasındakı əlaqələrə yaxşı təsir etdiyini, Azərbaycanın beynəlxalq nüfuzunun daha da artdığını qeyd ediblər:
"Tədbirdə Türkdilli dövlətlər arasında ortaq dil və ortaq əlifba istiqamətində ümumi işlərin aparıldığını diqqətə çatdırıldı.
O cümlədən Türkiyə-Azərbaycan arasında Ulu Öndər Heydər Əliyevin arzuladığı bir çox layihələr həyata keçirildiyi bildirildi",- deyə deputat vurğuladı.
Xəbərdən istifadə edərkən istinad etmək vacibdir.
