Azərbaycan Respublikası Gənclər və İdman Nazirliyi, Sumqayıt şəhər İcra hakimiyyəti və Sumqayıt şəhər Gənclər və İdman Baş İdarəsinin birgə təşkilatçılığı ilə Sumqayıtın Tarixi Muzeyinin akt zalında "Ümummilli lider Heydər Əliyevin azərbaycançılıq məfkurəsinin gənclərin vətənpərvərlik tərbiyəsində rolu" mövzusunda konfrans keçirilib. Xeberle.com-a verilən məlumata görə konfransdan əvvəl bir qrup tədbir iştirakçısı Sumqayıt şəhərində ümummilli lider Heydər Əliyevin abidəsini ziyarət edib.
Azərbaycan Respublikasının Dövlət Himni səsləndirildikdən sonra konfrans öz işinə başlayıb.
Konfransda Sumqayıt şəhər İcra hakimiyyətinin başçısının müavini Elgin Həbibullayev, Azərbaycan Respublikası Gənclər və İdman Nazirinin müavini İntiqam Babayev, Milli Məclisin deputatı Leyla Abdullayeva, Gənclər və İdman Nazirliyi yanında İctimai Şuranın sədri Nurəddin Mehdiyev, Azərbaycan Respublikası Gənclər Təşkilatları Milli Şurasının sədri Şahin Seyidzadə, "Demokratik Azərbaycan Naminə Gənclər” İctimai Birliyinin sədri Elməddin Behbud, Sumqayıt şəhərinin ictimai fəal gəncləri Könül Quliyeva, Aytən Hacıyeva, Ceyhun Məmmədov və İman Ağayev azərbaycançılığın milli-mənəvi və ümumbəşəri dəyərlər sistemində yeri və rolu, Azərbaycan dilinin inkişaf etdirilməsində gənclərin əsas vəzifələri,azərbaycançılığın təbliğ edilməsində müasir informasiya-kommunikasiya texnologiyalarının rolu və digər istiqamətlər üzrə çıxış ediblər. Çıxışlarda ümummilli liderin azərbaycançılıq məfkurəsinin gənclərin vətənpərvərlik tərbiyəsində mühüm əhəmiyyəti nəzərə çatıdırlıb. Ulu Öndərin həyat və fəaliyyətinin böyük bir tarixi dövr üçün gənclərin vətənpərvərlik tərbiyəsində dəyərli örnək olması vurğulanıb.