Müəllif növbəti kitab üzərində işləyir.
Ötən gün Sumqayıtımızın qonağı Azərbaycanın satış rekordlarını qıran, Bestseller "P.S. Zaten boyun da küçüktü" kitabının müəllifi, "Media FM"-in aparıcısı, aktrisa Gülay Hüseynova oldu. Yazar sayca 3-cü dəfə öz imzasını Sumqayıt oxucuları ilə paylaşdı. Əslində imza günü bir bəhanə idi. Oxucuların Gülayla, onun daxili aləmiylə yaxından tanış olmaq, ünsiyyət qurmaq, onun haqqında məlumat toplamaq əsas maraq dairəsinə çevrilmişdi.
Satışa çıxan gündən oxucuların böyük sevgisini qazandı bu əsər... Əsərdə bir-birini izləyən maraqlı hadisələrlə tanış olduqca bizi sanki başqa aləmə aparır, gülürük, kədərlənirik, həyəcanlanırıq, hətta əsəbiləşirik... Çünki bu əsərdə hər birimiz özümüzü tapırıq.
Əsərin müəllifinin imza günü olduqca maraqlı keçdi. G. Hüseynova qeyd etdi ki, əsərin türk dilində yazılması onun Türkiyəyə olan böyük sevgisindən irəli gəlməsi ilə yanaşı, əsərin nəinki Azərbaycanda, hətta Türkiyədə də satışa çıxarılmasıdır.
Baxmayaraq ki, əsərin türk dilində yazılması heç də birmənalı qarşılanmadı, yazar bir sıra tənqidlərlə üzləşdi. Amma yazar bütün bunları qabaqcadan nəzərə aldığını diqqətə çatdırdı.
Gülayın əsas məqsədi əsər əsasında filmin çəkilişinə nail olmaq və baş rolu da özü canlandırmaqdır. Filmin çəkilişi isə türk rejissoruna həvalə edəcək.
Yazar onu da vurğuladı ki, əsər olduqca böyük marağa səbəb olub və hazırda yeni bir kitab üzərində çalışır.
Əsərdə ayrılmış sevgililəri daha nələrin gözlədiyini yeni yazılacaq 2-ci kitabda xəbər tutacağıq.
G. Huseynova növbəti kitabın daha maraqlı olduğunu, kişi obrazlarına daha çox üstünlük veriləcəyini də söylədi.
Biz də öz növbəmizdə gənc yazara uğurlar arzulayırıq.

Zeynəb Abdullah
Xeberle.com