Hal-hazırda internet provayderlərin təkliflər paketi Rabitə və Yüksək Texnologiyalar Nazirliyində nəzərdən keçirilir. Bu haqda Trend informasiya agentliyi məlumat yayıb.

 İnternet provayderlərin təkliflərində optik-lifli rabitə xətlərinin çəkilməsinə, kabel kanalizasiya sistemlərinin icarəsinə, rabitə operatorlarının telekommunikasiya qovşaqlarında quraşdırılmış provayderlərin telekommunikasiya avadanlıqlarının saxlanılması və texniki xidmətin göstərilməsinə xərclərin azaldılmasının vacibliyi qeyd edilir.

Mənbə qeyd edib ki, provayderlərin təklifləri nazirlikdə dəfələrlə nəzərdən keçirilib:

"Daha əvvəl nazirliyə təqdim olunmuş özəl şirkətlərin təklifləri qismən öz həllini tapıb. Söhbət rabitə xətlərinin çəkilməsi üzrə tariflərin azaldılmasından gedir. Nazirliyin bu məsələyə müsbət yanaşmasını birmənalı qeyd etmək olar. Ehtimal olunur ki, öz həllini tapmayan digər məsələlər üzrə də irəliləyişlər olacaq. Çox güman ki, bu, sentyabradək baş verə bilər".