"Mən istəyirəm ki, yaşıdlarım kimi durub gəzim. Heç kimə möhtac olmayım. Artıq atamın, anamın gücü çatmır. Mənim ürəyim ağrıyır”. ANS TV-nin məlumatına görə, 18 yaşlı birinci qrup əlil Mahir Məmmədovun ürəyini ağrıdan onun gəzə bilməməsidir.
4 aylığında yüksək qızdırmadan iflic keçirən Mahir yerimə qabiliyətini itirib. Bundan sonra illərlə müalicə alır. Valideynləri Mahirin sağalması üçün kim harada ümid verirsə ora üz tuturlar. Amma xeyri olmur.
Övladının bu vəziyyətinə atanını ürəyi tab gətirmir. İki dəfə infarkt keçirən ata çalışma qabiliyyətini də itirir.
Ailənin bütün yükü ana Elmira Bədəlovanın çiyinlərində qalır. Bir tərəfdən çalışıb, evə çörək pulu qazanan Elmira xanım işdən sonra da Mahirlə məşğul olur. Onun zərif vücudu günü -gündən böyüyən övladını artıq güclə daşıyır. Bütün bunlarla bərabər oğlunun bir gün ayağa duracağına da ümidini itirmir. Və bir gün bu ümid işığı görünür.
Ötən ilin sentyabrında Prezident İlham Əliyevin sərəncamı ilə bir qrup əlil uşaqla bərabər Mahir də Krım vilayətinin Yevpatori şəhərində əlillərin bərpa mərkəzində müalicəyə göndərilir. Mahiri müayinə edən həkimlər ona çox sevinəcəyi bir xəbəri verirlər. Sən demə Mahirin öz ayaqları üstündə durması mümkündür.
Mahirin anası deyir ki, əslində özüm lazım olan 15 min manatı əldə edərdim. "Amma son üç ildə Mahiri Ukraynada müalicəyə aparmaq üçün müxtəlif banklardan kredit götürdüyümdən indi bir tərəfdən də onları ödəmək məburiyyətindəyəm".
Borc etmək imkanının olmadığını görən ana ümidi gələn bütün qapıları döyür. İlk olaraq əməliyyatı reallaşdırmaq üçün Əmək və Əhalinin Sosial Müdafiəsi Nazirliyinə və Səhiyyə Nazirliyinə müraciət edir. Birinci qurumdan heç bir cavab almasa da Səhiyyə Nazrliyindən bildirilib ki, həmin müalicə mərkəzi ilə Səhiyyə Nazirliyinin müqaviləsi olmadığından Mahirin ora göndərilməsi mümkünsüzdür. Yardım edilməsi üçün müraciət etdiyi digər qurumar isə köməklik göstərilməsi üçün Sumqayıt İcra Hakimiyyətinə göndərilir.
Amma Sumqayıt Şəhər İcra Hakimiyyətinin də təklifi Mahirin yerimək şansını reallaşdırmır.
Sumqayıt İH-nın rəsmisi Tariyel Hacıyev bildirib ki, gənci Sumqayıt xəstəxanalarında müalicə etdirə bilərlər. Amma, xaricə göndəməyə maliyyə imkanı yoxdur.
Amma 18 yaşlı Mahir Məmmədov sabaha ümidlə baxır. Bir gün əməliyyatı üçün lazım olan 15 manatı əldə edəcək və da tay-tuşları kimi öz ayaqları üstünda duracaq.
Xəbərdən istifadə edərkən istinad etmək vacibdir.
