Çində qəribə hadisə baş verib. Məlumata görə, Çinin Hendyan şəhərinin 24 yaşlı sakini 10 ildən sonra evlərinə qayıdıb. Məlum olub ki, bu müddət ərzində valideynləri qızı ölmüş bilib. O isə bu müddət ərzində müxtəlif internet-kafelərdə yaşayıb.
"Shanghaiist” nəşrinin məlumatına görə, çinli qız bu zaman ərzində ona yazığı gələrək pul verən insanların pulu ilə qidalanıb. Belə ki, 14 yaşında olarkən qız anası ilə dalaşaraq evdən gedib. Valideynləri onu 10 il görməyiblər. İtmiş qızcığazın axtarışları isə heç bir nəticə verməyib. Məlum olub ki, bütün bu müddət ərzində qaçaq qız saxta sənədlərlə yaşayıb. O, qonşu Xançjou şəhərinə köçərək, birindən digərinə keçməklə internet kafelərdə yaşayırmış. Qız özü etiraf edib ki, bu illər ərzində o, özünü doydurmaq üçün yalvarmaq məcburiyyətində qalıb. Çinli qızın sözlərinə görə, bu 10 il ərzində ancaq onlayn-oyunlar oynamaqla məşğul olub. Qızcığazı təsadüfən görən hüquq-mühafizə orqanları əməkdaşları ona 1000 yuan (160 dollar) miqdarında cərimə yazıb və onun valideynlərinə zəng edib. Qızının arxasınca gələn anası isə bir daha onunla dava etməyəcəyini bildirib. Qeyd edək ki, 2008-ci ildə Çin internet asılılığının psixi xəstəliyin olmasını qəbul edən dünyada ilk ölkə olub. Yeddi il öncə ölkə yeniyetmələrinin 17 faizi bu xəstəlikdən əziyyət çəkib. Jurnalistlər isə əmindir ki, bu illər ərzində bu rəqəm yəqin ki artıb.(Lent.az)