Dövlət Neft Şirkəti 28 May - Respublika günü və 15 iyun - Milli Qurtuluş günü münasibəti ilə Ağdam rayonunda yerləşən “Dördyol 1, 2”, “Təzəkənd” qəsəbələrində və Dördyol-Mamırlı ərazisində məskunlaşmış 10522 nəfər məcburi köçkünə 85228,2 kq ərzaq yardımı edib. Bu barədə şirkətin saytı xəbər verir.

Bundan başqa SOCAR Tərtər rayonunda məskunlaşmış 13000 nəfər məcburi köçkünə 105300 kq, Füzuli rayonunun Əhmədalılar, Mirzənağılı və Qazaxlar kəndlərində məskunlaşmış 4000 nəfər məcburi köçkünə 32400 kq, Sumqayıt şəhərində məskunlaşmış 1700 nəfər məcburi köçkün və şəhid ailəsinə 13770 kq ərzaq yardımı göstərib.

Şirkətin nümayəndələri məcburi köçkünlərlə görüşərək, onları bayramlar münasibətilə təbrik edib, əmin olduqlarını bildiriblər ki, Azərbaycan Respublikasının Prezidenti İlham Əliyevin rəhbərliyi altında Azərbaycanda aparılan uğurlu daxili və xarici siyasət qaçqın və məcburi köçkün ailələrinin tezliklə öz doğma el-obalarına qayıtmalarına şərait yaradacaq.

Qəsəbələrin sakinləri onlara göstərilən diqqət və qayğıya görə dövlət başçısı İlham Əliyevə minnətdarlıqlarını bildiriblər.