Müdafiə Nazirliyinin rəsmi orqanı hesab edilən "Azərbaycan Ordusu" qəzetinin baş redaktoru, polkovnik-leytenant İbrahim Rüstəmov vəzifəsindən azad edilib. 

ANS PRESS-in verdiyi məlumata görə, bu informasiyanı "Azərbaycan Ordusu" qəzetinin baş redaktoru, polkovnik-leytenant İbrahim Rüstəmovun özü deyib. Onun sözlərinə görə, bununla bağlı müvafiq əmr müdafiə naziri polkovnik-leytenant Zakir Həsənov tərəfindən hələ yanvarın 30-da imzalanıb. Əmrdə qəzetin baş redaktorunun xəstəliyi ilə əlaqədar vəzifəsindən azad edilərək ehtiyata göndərildiyi bildirilir.

Hələlik qəzetin baş redaktoru vəzifəsinə təyinat olmayıb. Faktı Müdafiə Nazirlyinin mətbuat xidmətindən təsdiq ediblər.

İbrahim Rüstəmov  açıqlamasında bildirib ki, o, mediada yazılan kimi istefa verməyib, sadəcə olaraq səhhəti ilə bağlı ordudan tərxis olunub. 

Qeyd edək ki, polkovnik-leytenant İbrahim Rüstəmov bir müddət əvvəl hərbi hospitalda müalicə olunurdu.