Sumqayıtda şəhidin doğum günü məzarı başında qeyd olunub
Xeberle.com-un məlumatına görə, 44 günlük Vətən müharibəsində qəhrəmanlıq göstərərək şəhid olmuş Emil Əliyevin xatirəsi anılıb. E. Əliyevin 28 yaşı Sumqayıt Şəhidlər Xiyabanında onun məzarı başında qeyd olunub. Anım mərasimində şəhidin valideynləri, yaxınları və şəhər sakinləri iştirak ediblər.
Çıxış edənlər şəhid Emil Əliyevin keçdiyi şərəfli döyüş yolundan danışıblar.
Bildirilib ki, 2016 - cı ildə Aprel döyüşlərində iştirak etmiş və böyük sücayət göstərib. Emil Əliyev 2020-ci ilin sentyabrın 27-də başlayan Vətən müharibəsinə könüllü qatılıb.
Qızğın döyüşlər zamanı özü yaralanmasına baxmayaraq, düşmənə ağır zərbələr vurub. Ötən ilin oktyabrın 6-da Füzuli istiqamətində gedən döyüşlərdə isə Emil Əliyev şəhid olub.
E. Əliyev Sumqayıt şəhər Şəhidlər xiyabanında dəfn edilib.
Qeyd edək ki, E. Əliyev ölümündən sonra "Xocavəndin azad olunmasına görə” və "Vətən uğrunda” medalları ilə təltif olunub.
Xəbərdən istifadə edərkən istinad etmək vacibdir.
