Bristol Universitetinin alimləri karbon lif kompozitdən istifadə edərək uçuş zamanı özünü təmir edə bilən təyyarə qanadı düzəldib.
Professor Dankın Vas universitetin kosmos mühəndisləri ilə birlikdə təyyarənin qanadlarında və gövdəsində meydana gələn kiçik çatlaqların qarşısını almağın yollarını araşdırdıqlarını söyləyib.
Qrupun inkişaf etdirdiyi texnologiya ilə təyyarənin qanadlarında istifadə edilən karbon vasitəyə gözlə görülə bilməyəcək ölçüdə mikrokürələr əlavə olunur. Bu kürələr qatı bir cismə dəydikdə qırılaraq təmiredici maye axıdır. Maye çatlaqların içinə dolur, kimyəvi reaksiyaya girərək bərkiyir və köhnəsi qədər güclü olur.
Vas bu texnologiya üzərində işləyərkən yaralandıqdan sonra qanayan və yenidən qabıq bağlayan insan dərisindən ilham aldıqlarını bildirib. Bu texnologiyanın çatlayan cib telefonu ekranları, raketlər və velosiped təkərləri üçün də istifadə edilməsi də gözlənilir. (axar.az)
Xəbərdən istifadə edərkən istinad etmək vacibdir.
