Almaniyanın Nürnberq şəhərində "Auktionshaus Weidler" hərrac evinin keçirdiyi hərracda Adolf Hitlerin çəkdiyi 14 əsər satılıb.
Hitler bu əsərləri 1908-1922-ci illərdə yaradıb.
Hərracda satılan əsərlərin ümumi dəyəri 450 min dollar olub. Hitlerin əsərləri arasında ən bahalısı Bavariyadakı Noyvayştayn qəsrinin peyzajı idi. Bu peyzajı çinli iş adamı 100 min dollara satın alıb.
Hərrac evinin rəhbərliyi alıcıların ad və soyadlarını açıqlamayıb.
Ekspertlər Adolf Hitlerin əsərlərinin bədii dəyərini çox aşağı saysalar da, bu rəsmlərə böyük məbləğlər ödənir.
Adolf Hitler nasist partiyasını yaradanadək rəssam olmağı arzulayırdı. O, yaşamı boyu 3 mindən artıq əsər çəkib və bu əsərlərin əksəriyyəti karandaşla çəkilmiş rəsmlərdi. (milli.az)
Xəbərdən istifadə edərkən istinad etmək vacibdir.
