Bu gün keçirilən Sumqayıt təhsil işçilərinin sentyabr konfransında çıxış edən Sumqayıt şəhər İcra Hakimiyyətinin Başçısı Zakir Fərəcov memarlıq və mənzil-kommunal təsərrüfat işçilərinin fəaliyyətini tənqid edib. O, şəhərdə acınacaqlı vəziyyətin hökm sürdüyünü, tikinti qaydalarının kobud şəkildə pozulduğunu, şəhərin estetik görünüşünün bərbad hala salındığını və tikintilərin şəhərin Baş planına uyğun olaraq aparılmadığını bildirib. İcra başçısı şəhərdə mövcud olan yaşayış binalarının çox hissəsini bərbad vəziyyətdə olduğuna diqqət çəkib: "Şəhərdə tikintilər baş alıb gedir. Hara baxırsan eybəcərlik. Şəhərin memarlığı pozulub. 1500 yaşayış evi var, onların 850-nin damı su axıdır, 1000-ə yaxın zirzəminin binası su ilə doludur. Yollar bərbad vəziyyətdədir, 9, 13, 17,18 və demək olar ki, bütün yollar bərbad vəziyyətdədir. Heç olmasa 10 maşın asfalt çəkmək olardı. O da edilməyib. O mikrorayonlar çox acınacaqlı vəziyyətdədir. Artıq biz 13, 17 və 18-ci mikrorayonlarda abadlıq işlərinin aparılmasına başlamışıq. Yəqin ki, bir ay müddətinə bur ərazilərdə təmir işləri yekunlaşacaq.