Azərbaycanın
qeyri-neft sektorunun qabaqcıl şirkəti olan Sumqayıt Texnologiyalar Parkı(STP)
və ölkəmizin ilk və tək Ağıllı ev və Bina idarəetmə sistemləri istehsalçısı
olan SmartHome şirkəti Elektron Dezinfeksiya Tuneli istehsal ediblər. "Elsmart”
brendi altında istehsal olunan bu məhsulun elektron sistemi və
beyni SmartHome, konstruksiyası və gövdəsi STP-nin Elektrik Avadanlıqları
Zavodunda hazırlanır.
Dezinfeksiya Tuneli tam avtomat rejimdə çalışır. İnsanlar tuneldən
keçdikdə hərəkət sensorları sistemi işə salır və qısa müddət ərzində
dezinfeksiya məhlulu püsgürdülərək insanın üzəri heç bir toxunma olmadan
tam dezinfeksiya edilir.
Dezinfeksiya məhlulu buxar şəklində püskürdüldüyü üçün insanın geyimini
yaş etmir. Bu, məhlulun xüsusi mühərrik vasitəsilə 0.3 mm-lik ucluqlardan
yüksək təzyiqlə çıxması hesabına əldə olunur. Nəticədə maye narın
yayılaraq toz halında dağılır. Buxar formasına olmasına baxmayaraq geyimlərdəki
bakteriya və virusları təmizləməyə kifayət edir. Tunelin insan sağlamlığına
heç bir zərərli təsiri yoxdur.
Sistemə istəkdən asılı olaraq 50-200 litr arası çənlər quraşdırılır. 200
litrlik məhlul ilə ortalama 6500-7000 insanın dezinfeksiya etmək
mümkündür. İstifadə olunan məhlul xüsusi tərkibə malikdir və Türkiyədə
keçirilən testlər vasitəsilə Koronavirusu öldürməsi təsdiq olunub.
Dezinfeksiya Tunellərindən yalnız pandemiya dövrü üçün deyil,
həmçinin mövsümi bakteriya və virusların profilaktikası, habelə
gələcəkdə yaranacaq yoluxucu xəstəliklərin qarşısını almaq üçün istifadə
oluna bilər. Yeni məhsul məktəblərin, xəstəxanaların, ofis və
istehsal sahələrinin, ticarət mərkəzlərinin, avtobus və dəmiryol vağzallarının,
metroların girişlərində və insanların kütləvi hərəkət etdiyi digər
məkanlarda quraşdırıla bilər.
Hazırda STP-nin Elektrik Avadanlıqları Zavodu gündə 25-30 ədəd məhsul
istehsal etməyi nəzərdə tutur. Müəssisədə quraşdırılmış ən son avadanlıqlar
sifarişlər artdıqca istehsal həcminin də artırılmasına imkan
verir.
Məhsulun sadə konstruksiyası müştərinin istəyinə uyğun dəyişiklik və
əlavələr etməyə imkan verir. Asanlıqla xüsusi təkərlər
quraşdırılaraq daşınılan versiyasını hazırlamaq
mümkündür.
Dezinfeksiya Tunellərinin həm yerli, həm də beynəlxalq bazarda satışı
nəzərdə tutulur.
Xəbərdən istifadə edərkən istinad etmək vacibdir.
