Sumqayıt Avtomobil Nəqliyyatı ilə Sərnişindaşıma İdarəsi tərəfindən yeni növ koronavirus infeksiyasının yayılmasına qarşı ölkəmizdə həyata keçirilən sosial izolyasiya tədbirlərinə dəstək olaraq nəcib aksiya təşkil olunub.

Xeberle.com xəbər verir ki, Sumqayıt Avtomobil Nəqliyyatı ilə Sərnişindaşıma İdarəsi əməkdaşları və "Nəqliyyat könüllüləri" tərəfindən şəhərdə fəaliyyətdə olan nəqliyyat vasitələrində maskasız olan sərnişinlərə tibbi maska paylanıb. Həmçinin vətəndaşlara bir daha gigiyena qaydalarına riayət olunmasının əhəmiyyəti çatdırılıb, özlərinin və yaxınlarının müəyyən edilmiş qayda və tövsiyələrə əməl edərək sağlamlıqlarını qorumalarının vacibliyi xatırlanıb. İctimai nəqliyyatda tibbi maskadan mütləq şəkildə istifadə edilməsi tövsiyyə edilib. Həmçinin, avtobuslarda quraşdırılmış əl dezikfantları yoxlanılıb.

Bu günkü aksiya çərçivəsində ümumilikdə 500-dən çox sərnişinə tibbi maska paylanılıb.

İndiyədək isə keçirilən tədbirlər nəticəsində 8000 sərnişin bu aksiyadan yararlanıb.

Xədicə Səxavətqızı