Xırdalan şəhərində oğlunu bıçaqlayaraq qətlə yetirməkdə təqsirli bilinən Etibar İbadovun cinayət işi üzrə ibtidai istintaq başa çatıb.
Xeberle.com xəbər verir ki, cinayət işinin materialları baxılması üçün Sumqayıt Ağır Cinayətlər Məhkəməsinə göndərilib.
Cinayət işi hakim Aynur Rzayevanın icraatına verilib.
İş üzrə məhkəmə baxış iclası mayın 15-nə təyin olunub.
Qeyd edək ki, ötən il iyunun 19-u saat 23 radələrində Abşeron rayonu, Xırdalan şəhər sakini, 1987-ci il təvəllüdlü İlkin İbadovun öldürülməsi barədə rayon prokurorluğuna məlumat daxil olub.
Aparılan araşdırmalarla zərərçəkmişin atası, 1967-ci il təvəllüdlü Etibar İbadovun yaşadıqları evdə şəxsi münasibətlər zəminində aralarında yaranmış münaqişə zamanı İlkin İbadova bıçaqla xəsarəti yetirərək qəsdən öldürməsinə əsaslı şübhələr müəyyən edilib.
Faktla bağlı Abşeron rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Etibar İbadov şübhəli şəxs qismində tutularaq istintaqa cəlb edilib.
Xəbərdən istifadə edərkən istinad etmək vacibdir.
