“Avtomobil qəzası keçirən Aygün Kazımova elə yerindəcə keçinib”.

Xalq artisti Aygün Kazımovanın qəzaya düşdüyü və qəza zamanı dünyasını dəyişməsi xəbəri yayılıb.

Oxu.Az xəbər verir ki, sosial şəbəkədə A.Kazımovanın fotosu ilə bərabər aşağıdakı sözlər yazılıb:

“Avtomobil qəzası keçirən Aygün Kazımova elə yerindəcə dünyasını dəyişib. Allah rəhmət eləsin”.

Yalan xəbərə müğənninin dostu, prodüser Tolikin cavabı belə olub:

“Bunu kim yazıb, ya yazdırıbsa, əzizinin başına gəlsin. Adam reklam məqsədi güdüb, insanları yalan xəbərlə öz səhifəsinə ya da ki, profilinə cəlb etməz! Aygünün ölümünü istəyənin əzizi ölsün. Aygün də, mən də gəlim onların yasına”.