Şabranda ölümlə və xəsarətlə nəticələnən ağır yol qəzası baş verib.
Hadisə rayonun Qaraqaşlı kəndində qeydə alınıb. Yol
qəzası nəticəsində artıq 3 nəfər ölüb, 3 nəfər isə xəsarət alıb.
Yaralılar Şabran Rayon Mərkəzi Xəstəxanasına yerləşdirilib.
Məlumata görə, yaralılardan birinin vəziyyəti ağırdır.
Ağır
yol qəzasında rayon sakinləri Vüsal Zəkiyev, Elnur Babayev hadisə
yerində ölüblər. Yaralanan Cəlal Babayev isə H.Z.Tağıyev qəsəbəsindəki
xəstəxanaya aparılarkən yolda keçinib. Şabran rayon sakinləri – İsmayıl
Zəkiyev, Bəxtiyar Şahverdiyev və Ramin Əzməmmədov müxtəlif dərəcəli
bədən xəsarətləri alıblar.
Qeyd edək ki, qəza törədən avtomobilin
sürücüsü Bəxtiyar Xanoğlan oğlu Şahverdiyev Şabran Rayon İcra
Hakimiyyətinin keçmiş başçısı (1995-2007) Sündüz Babayevanın bacısı
oğludur. Bu törətdiyi hadisə Bəxtiyar Şahverdiyevin sayca dördüncü ağır
yol-nəqliyyat hadisəsidir.
Məlumata görə, qəzaya uğrayan şəxslər sərxoş vəziyyətdə olublar.
Faktla bağlı araşdırma aparılır.(report.az)
Xəbərdən istifadə edərkən istinad etmək vacibdir.
