"Ramizin vəfatı dövründə çox əsəbiləşdim. Bəzi xəbər
saytlarına özünü Ramizin dostu kimi təqdim edib açıqlama verirdilər.
İnsanın vicdanı olar. Onun filan dostu nə Ramiz 19 saat komada olarkən
xəstəxanaya, nə evinə, nə də dəfninə gəldi. Amma danışdı, açıqlamalar
verdi. Onu dostu bilib danışdıranlar savadsız, danışan isə
şəxsiyyətsizdir”.
Xeberle.com xəbər verir ki, bu sözləri tanınmış komediya aktyoru
Məcid Hüseynov ötən ay dünyasını dəyişən həmkarı, dostu Ramiz Hüseynov
barəsində danışarkən deyib.
O, "Sözbaz” proqramında mərhum barədə mətbuata yalan açıqlama verən şəxsləri tənqid edib:
"Bu ölüm mənim üçün də var. Cəmi bir nəfər mənə zəng vurub öyrəndi,
söylədi ki, çox sağ olun, məlumatı doğru yerdən öyrəndim. Məlumatı
aldığı mənbə düzgün idi. Yanlış insanlardan məlumat aldıqları üçün səhv
xəbərlər yayıldı. Yazdılar ki, koronavirusdan vəfat edib, yalandır.
Təzyiq problemi var idi, beyninə qan sızmışdı. 19 saat Sumqayıtda
xəstəxanada komada qaldı. Beyni ölmüşdü”.
Xəbərdən istifadə edərkən istinad etmək vacibdir.
