Sumqayıt Cümə Məscidinin axundu Hacı Rauf Sərdarov İkiqat Paralimpiya və dünya, beşqat Avropa çempionu, Birinci Avropa oyunlarının qızıl medal mükafatçısı, Azərbaycanın paralimpiyaçı cüdoçusu İlham Zəkiyevə Quran hədiyyə edib.
İlham Zəkiyev öz növbəsində hədiyyəni böyük sevgiylə qəbul edərək axunda təşəkkürünü bildirib. Sumqayıtlı idmançı Ramazan ayında ona Quran hədiyyə olunmasını müsbət dəyərləndirib.
Qeyd edək ki, İlham Zəkiyev gələn il Braziliyada keçiriləcək Olimpiya oyunlarında da ölkəmizi təmsil edəcək.
Xəbərdən istifadə edərkən istinad etmək vacibdir.
