Litvanın Klaypeda şəhərində hərbçilər arasında güləş üzrə 32-ci dünya çempionatı davam edir. Xeberle.com xəbər verir ki, Azərbaycan yığmasına ilk medalı sumqayıtlı idmançı Türkan Nəsirova (48 kq) qazandırıb. Güləşçimiz Çin idmançısı Jou Çengçengi 8:5 hesabı ilə məğlub edərək gümüş medala sahib olub. Yarışın növbəti günü isə Azərbaycan idmançısı bürünc medal qazanıb. Təmsilçimiz Murad Məmmədov 59 kiloqram çəki dərəcəsində ilk görüşdə ukraynalı Viktor Petriki 9:1 hesabı ilə məğlub edib. İkinci görüşdə Polsa idmançısına 8-6 hesabı ilə məğlub olub. ABŞ idmançısı İldar Hafizov üzərində 9:0 hesabı ilə qələbə qazanan Murad Məmmədov bürünc medala sahib olub. Qeyd edək ki, Türkan Nəsirovanın səxsi məşqçisi Azərbaycan Respublikasinin Əməkdar məşqçisi, idman ustası, beynəlxalq dərəcəli hakim, IV İslam həmrəyliyi oyunlarının gümüş mükafatçısı, üçqat Avropa çempionu və dünya kubokunun sahibi Tural Əliyevdir.