Jervinyo gözəl qol ilə yadda qaldı.

Braziliyanın paytaxtında “Estadio Nasional” stadionunda “C” qrupunun ikinci turunda Kolumbiya Kot-d’İvuarla qarşılaşdı.

Oxu.Az xəbər verir ki, oyun qarşılıqlı hücumlar şəraitində keçdi. Hər iki komanda gözəl oyun nümayiş etdirdi, meydançada sonadək mübarizə gedirdi.

Oyunda hesabı 64-cü dəqiqədə künc zərbəsindən sonra Rodriqes açdı.

70-ci dəqiqədə isə kolumbiyalılar üstünlüklərini iki topa çatdırdılar. Xuan Kintero fərqləndi.

Afrikalılar 73-cü dəqiqədə hesab arasındakı fərqi azaltmağa müvəffəq oldular. Jervinyo gözəl driblinqdən sonra topu Opsinanın qoruduğu qapıdan keçirdi. Bu qol həmçinin Dünya Çempionatının ən gözəl qollarından biri kimi yadda qaldı. Qoldan sonra afrikalılar bütün komanda ilə hücuma atıldılar. Lakin bütün cəhdlərə baxmayaraq bərabərlik topu vurulmadı.

Kolumbiya yığması ikinci qələbəsini qazandı və 99% pley-off mərhələsinə vəsiqəni özlərinə təmin etdilər