"F1 Bakı Qran Pri”sinin sonuncu qalibi, "Red bull”un pilotu Daniel Rikkiardo "Qarabağ” futbol klubunun qonağı olub.
Bu barədə "Qarabağ”ın rəsmi səhifəsində qeyd edilib.
Məlumata görə, komanda ilə tanışlıqdan sonra baş məşqçi Qurban Qurbanov avstraliyalı pilot Rikkiardonun adı yazılan formanı ona hədiyyə edib. Rikkiardo isə daha sonra özünəməxsus olan ayaqqabılarını imzalayaraq, baş məşqçiyə təqdim edib. Daha sonra futbolçularla söhbət edən Rikkiardo bir neçə dəqiqə komanda ilə birlikdə məşqdə də iştirak edib.(Axar.az)

Xəbərdən istifadə edərkən istinad etmək vacibdir.