"Bu stadionun dəyəri 500 milyon avrodan artıqdır”.

Şərqin gözəl və tarixi abidələri ilə şöhrət tapmış şəhərlərindən biri. Bakı ilk növbədə neft-investisiyalarının və çoxsaylı beynəlxalq layihələrin realizəsi o, cümlədən də idmanla bağlı layihələr sayəsində inkişaf edir. İlk Avropa Oyunları 2015-ci ilin iyun ayının 12-dən 28-nə qədər Bakıda keçiriləcək.

Saymon Kleqq "Bakı-2015” təşkilat komitəsinin sədridir.

"Azərbaycanın Xəzər dənizindən nə qədər neft çıxarması əsas deyil. Hər şeydən öncə biz pul ilə alınması mümkün olmayan zamanı dəyərləndiririk. Biz öz işimizə tənqidi yanaşırıq. Açılış mərasimi iyun ayının 12-nə təyin edilib. Və bu tarixi başqa vaxta keçirmək üçün heç bir vəsait yoxdur”.

Bununla yanaşı, Azərbaycan paytaxtının 2015-ci il Avropa Oyunlarına hazırlığına cavabdeh olan Britaniyanın MOK sabiq prezidenti hələ ki, narahatlıq üçün səbəb olmadığını qeyd edib.

18 idman obyektindən əksəriyyəti artıq hazırdır. Qalanları isə tikinti cədvəllərində olan vaxtdan daha tez tikilir. Məsələn, oyunlar üçün əsas arena kimi.

Denis Kulik, Euronews:

"Milli stadion” İlk Avropa Oyunlarının simvoludur. Ona görə yox ki, açılış və bağlanma mərasimləri burada keçiriləcək. Bu stadion yarışların irsinin əyani nümunəsi olacaq. Oyunlardan sonra bu arena Azərbaycanın futbol üzrə yığmasının evinə çevriləcək, 5 il sonra isə burada yubiley - Avro-2020-nin 4 matçı keçiriləcək. 68 min adamın yerləşdiyi bu stadionun dəyəri 500 milyon avrodan artıqdır. Onu 2015-ci ilin fevralında istismara verməyi düşünürlər”.   

Cavid Nəcəfərov, baş mühəndis:

"Bu, Azərbaycanda indiki dövr üçün ən iri tikintidir. Və o qısa zaman ərzində yerinə yetirilir. Ətrafda gördüyünüz hər şey iki il ərzində ucaldılıb. Hələ iki il öncə burada bataqlıqlar, su hövzələri var idi. Görünüşə baxılırsa yarışların təşkilatçıları üçün Bakının məşhur tıxacları belə mane ola bilməyəcək. Əvvəlki olimpiadalarda olduğu kimi, Avropa Oyunları zamanı da iştirakçılar üçün ehtiyat yol zolaqları ayrılacaq”.

Panos Protopsaltis, "Bakı-2015”-in nəqliyyat direktoru:

"Biz avtomobil axınını mərkəzi küçələrə deyil, şəhər ətrafına istiqamətləndirəcəyik. Gördüyünüz planda göy rənglə Avropa Oyunlarının marşrutu qeyd edilib. Yəni, oyunların iştirakçıları məhz bu yollarla hərəkət edəcəklər”.

Yarışların iştirakçıları da oyunlara səylə hazırlaşırlar. Olimpiya Oyunlarının yunan-Roma güləşi üzrə ikiqat gümüş mükafatçısı və Avropa Oyunlarının səfiri Rövşən Bayramov kimi. 

"Panamerikan, Asiya oyunları var. Məhz buna görə də Avropa oyunları da olmalıdır. Ümid edirəm ki, tarixdə ilk olan bu Avropa Oyunları ölkəmə uğur gətirəcək”.

İyunda keçiriləcək oyunlar üçün gimnastlar da öz orijinal proqramlarını xüsusi olaraq hazırlayırlar. Marianna Vasilyeva, Azərbaycanın gimnastika üzrə yığmasının baş məşqçisi:

"Dünya və Avropa çempionatında istənilən federasiya və ölkə yarışlarda iştirak edə bilər. Amma Avropa Oyunlarında, Olimpiadada olduğu kimi dərəcə almaq lazımdır”.

Oyunların təntənəli açılış və bağlanma mərasimləri üçün iştirakçıların kastinqi davam edir. Atletlər üçün lagerdə son hazırlıq işləri gedir. 1200 əməkdaşı olan Təşkilat Komitəsinin ofisində kofe əhval-ruhiyyəni yüksək səviyyədə saxlamağa yardım edir.  

Bütün səylər bir məqsədə – tarixdə ilk olan Birinci Avropa Oyunlarının keçirilməsinə yönəlib. Saymon Kleqq, "Bakı-2015”-in baş əməliyyat direktoru:

"Qarşıdan gələn oyunların uğurlu olmasını hansı meyar ilə dəyərləndirmək olar? Bir çox amil var. İlkin olaraq isə idmandır. Mən istəyirəm ki, Avropanın 49 ölkəsindən gələn və turnirdə iştirak edəcək 6 min atlet yarışların təşkilindən razı qalsınlar. Əgər onlar növbəti oyunlarda iştirak etmək istəsələr, televiziya bu layihənin işıqlandırılmasında, sponsorlar isə əməkdaşlıqda maraqlı olacaqlar”.

20 idman növü üzrə 253 medal uğrunda mübarizə aparılacaq Avropa Oyunlarına yarım ildən az vaxt qalıb. (oxu.az)