01-06 oktyabr 2022-ci il tarixlərində Gənclər və İdman Baş İdarəsinin təşkilatçılığı ilə "Təhsil” Respublika İdman Mərkəzinin Sumqayıt şəhər 2 nömrəli Uşaq-Gənclər İdman-Şahmat məktəbində "27 sentyabr Anım günü”nə həsr edilmiş şahmat üzrə kişi və qadınlar arasında şəhər çempionatına yekun vuruldu. Çempionatda 65 nəfərdən artıq şahmatçı qalib adı uğrunda mübarizə aparmışdır.
Maraqlı idman mübarizəsi şəraitində keçən yarışda Aytac Kərimli qadınlar, Ceyhun Hüseynzadə isə kişilər arasında bütün rəqiblərinə qalib gələrək fəxri kürsünün ən yüksək pilləsinə qalxmışlar.
Yarışın qalib və mükafatçıları Gənclər və İdman Baş İdarəsinin Fəxri Fərman, medal və hədiyyələri ilə təltif olunmuşlar.
Xəbərdən istifadə edərkən istinad etmək vacibdir.
