Fevral ayında Azərbaycanda istehlak mallarının qiymətləri və xidmət tarifləri yanvar ayı ilə müqayisədə 4,0 faiz yüksəlib.

Dövlət Statistika Komitəsindən verilən məlumata görə, ərzaq məhsullarında 6,6 faiz, qeyri-ərzaq mallarında 3,1 faiz, xidmət tariflərində isə 1,2 faiz qiymət artımı müşahidə olunub.

Qeyd edək ki, ötən ilin müvafiq dövrünə nisbətən yanvar-fevral aylarında istehlak mallarının qiymətləri və xidmət tarifləri 2,0 faiz, o cümlədən ərzaq məhsullarının qiymətləri 2,5 faiz, qeyri-ərzaq mallarının qiymətləri 1,7 faiz, xidmət tarifləri isə 1,4 faiz artıb.  (interaztv.com)