Bu gün Sumqayıt şəhər S.Vurğun adına Mərkəzi kitabxanada Mədəniyyət İşçiləri  Həmkarlar İttifaqı Sumqayıt Komitəsinin sədri, şair Əşrəf Veysəllinin "Qarşıma siz çıxın” adlı kitabının təqdimat mərasimi keçirilib.
Sumqayıt şəhər Mədəniyyət və Turizm idarəsinin Mətbuat xidmətindən Xeberle.com-a verilən məlumata görə tədbiri giriş sözü ilə açan şair onun söz işığına toplaşanlara təşəkkürünü bildirib, gənclik və yaradıcılıq illərilə bağlı xatirələrini bölüşüb, başına gələn maraqlı hadisələrdən danışıb, müxtəlif illərdə yazdığı şeirlərini oxuyub.
Daha sonra şairi qələm yoldaşları, dostları təbrik edib. Şairlər Əvəz Mahmud Lələdağ, Sabir Sarvan, Rafiq Yusifoğlu, Xatirə Fərəcli, Aftandil Ağbabalı, tanınmış publisist, yazıçı Eyruz Məmmədov, tənqidçi Vaqif Yusifli, jurnalist Ağalar İdrisoğlu, həkim-cərrah Cəfər Quliyev və digərləri çıxış edərək şairi təbrik edib, xoş arzularını çatdırıb və yaradıcılıq uğurları arzulayıblar.
Tədbir müğənni Təhmiraz Şirinovun və muğam üçlüyünün bir-birindən maraqlı musiqi nömrələri ilə başa çatıb.