Mədəniyyət və turizm naziri Əbülfəs Qarayev Bolqarıstanın Baş naziri Plamen Oreşarskinin (Plamen Oresharsky) rəhbərlik etdiyi nümayəndə heyəti ilə görüşüb.Əbülfəz qarayev qeyd edib ki, Azərbaycan Respublikasının Mədəniyyət və Turizm Nazirliyi ilə Bolqarıstanın Mədəniyyət Nazirliyi arasında münasibətlər yüksək səviyyədədir və gələcəkdə bu əlaqələr yeni layihələrlə daha da zənginləşəcək.

Nazir bolqarıstanlı jurnalistlərin ölkəmizə səfər etməsi və "Azərbaycan bolqarıstanlı turistlərin gözü ilə" mövzusunda materialların hazırlanması təklifi ilə çıxış edib. Qeyd olunub ki, eyni zamanda Azərbaycandan Bolqarıstana belə bir səfər təşkil edilə bilər. İkitərəfli əlaqələri gücləndirmək üçün yeni saziş və razılaşmalar da həyata keçirilməlidir. 

Bu sahədə böyük perspektivlərin olduğunu deyən Əbülfəs Qarayev qonaqları 2014-cü ilin aprelində Bakıda keçiriləcək Dünya Turizm Təşkilatı Avropa Komissiyasının iclasına dəvət edib. Həmçinin bildirilin ki, 2014-cü ilin ilk aylarında Bolqarıstanda Azərbaycan mədəniyyəti günləri keçiriləcək. 

Daha sonra tərəflər arasında bir sıra məsələlərlə bağlı fikir mübadiləsi aparılıb. Görüşdə Azərbaycan-Bolqarıstan parlamentlərarası əlaqələr üzrə işçi qrupunun rəhbəri, millət vəkili Rauf Əliyev və Bolqarıstanın Azərbaycandakı səfiri xanım Mayya Xristova da iştirak ediblər.

ANSPRESS