Dekabrın 19-da C.Cabbarlı adına Xızı rayon Mədəniyyət Mərkəzinin təşkilatçılığı ilə Xızı rayon Heydər Əliyev Mərkəzində şəhid övladları və rayon ictimaiyyəti üçün nəzərdə tutulan "Günəşim" kukla teatrının "Tıq-tıq xanım" tamaşası nümayiş olunmuşdur. Tamaşa balaca fidanların razılıq və sevinc dolu alqışları ilə qarşılanmışdır. Yeni il ərəfəsində keçirilən tamaşaya bayram personajlarından olan Şaxta baba da qoşulub. Personajlar uşaqları öz təbrikləri və rəqsləri ilə sevindirmişdirlər.
Uşaqların asudə vaxtının səmərəli təşkili və onların dünyagörüşünün zənginləşməsi məqsədilə keçirilən tamaşada nağıl qəhrəmanları: tıq-tıq xanım, çoban, siçan, tülkü eyni zamanda Şaxtababanın maraqlı söhbəti, onların əyləncəli vaxt keçirməsinə səbəb olub.
Mədəniyyət Mərkəzinin direktoru Aynur Əliyeva gələcəkdə də bu cür layihələrin hazırlanmasını və bu qəbildən olan tamaşaların digər kənd və qəsəblərdə nümayişinin nəzərdə tutulduğunu qeyd edib. Rayonda nümayiş olunmuş tamaşa ictimaiyyət arasında xüsusi marağa səbəb olub.
Xəbərdən istifadə edərkən istinad etmək vacibdir.
