Sumqayıt Regional Mədəniyyət İdarəsinə tabe olan müəssisələrin şagirdləri Azərbaycan Gənclər İttifaqı və Azərbaycan Rəqs Assosiasiyasının birgə təşkil etdiyi "Ümid-2022" incəsənət müsabiqəsində iştirak edərək qalibiyyət əldə ediblər.
Zəngilan şəhər uşaq musiqi məktəbinin solo saz nominasiyası üzrə məktəbin müəllimi Könül Bayramovanın 1-ci sinif şagirdi Əli Ələsgərli, məktəbin xanəndə müəllimi Tural Salmanovun 3-cü sinif şagirdi Məhəmməd Səfərov solo xanəndə nominasiyası üzrə 1-ci yerə layiq görülüblər.
Adıçəkilən məktəbdə solo saz nominasiyası üzrə müəllim Könül Bayramovanın 1-ci sinif şagirdi Sənan Namazov və solo qarmon nominasiyası üzrə müəllim Mobil Qurbanovun 5-ci sinif şagirdi İbrahim Lətifov isə müsabiqənin laureatı adını qazanıblar.
İdarəyə tabeli Səid Rüstəmov adına 3 nömrəli uşaq incəsənət məktəbinin 3-cü sinif şagirdləri Əli Məmmədli və Nigar Mustafayeva fortepiano ixtisası üzrə 3-cü yerə layiq görülüblər. Şagirdləri müsabiqəyə müəllimələri Rəna Salayeva hazırlayıb.
Sözügedən müsabiqədə digər nailiyyəti Bülbül adına 2 nömrəli uşaq incəsənət məktəbində fortepiano ixtisası üzrə müəllim Aygün Ağayevanın şagirdi Ayla Mustafazadə 3-cü yerə çıxaraq qazanıb.
Xəbərdən istifadə edərkən istinad etmək vacibdir.
