Sumqayıt Regional Mədəniyyət İdarəsinin rəisi Rəşad Əliyev, baş məsləhətçi (Abşeron rayonu üzrə nümayəndə) İlham Manafovun iştirakı ilə keçən görüşdə Şəki şəhərində "Böyük Qafqaz İncəsənət və Rəqs Kuboku - Şəki 2022" müsabiqəsində Abşeron rayon Qobu qəsəbə uşaq incəsənət məktəbinin yetirmələrinin uğurlarından, məktəbin maddi-texniki bazasının təkmilləşdirilməsinin vacibliyindən bəhs edilib.
Görüşdə ağsaqqallar milli adət-ənənələri qorunub saxlamaqla Qobu qəsəbəsinin mədəni həyatının daha da canlandırılması üçün fikir və təkliflərini bildirib, eyni zamanda Abşeron Mərkəzi Kitabxana Sisteminin Qobu qəsəbə filialının təmir olunmasına köməklik göstərilməsini xahiş ediblər.
Sonda İdarə rəisi Rəşad Əliyev Qobunun ağsaqqalları – zəngin həyat və iş təcrübəsi, qəsəbədə böyük hörmətə malik şəxslərlə görüşməyin müstəsna əhəmiyyəti və xoş olduğunu bildirərək qeyd edib ki, fikir mübadiləsi aparmaq, onların məsləhət və təkliflərini öyrənmək işimizə yalnız müsbət təsir göstərəcəkdir.
Xəbərdən istifadə edərkən istinad etmək vacibdir.
