Azərbaycanda 6 538 nəfər İnsanın İmmunçatışmazlığı Virusuna (İİV) yoluxub və bunlardan 2007 nəfəri xəstəliyin son mərhələsi hesab olunan Qazanılmış İmmun Çatışmazlığı Sindromuna (QİÇS- rus. SPİD) daşıyıcısı hesab olunur.
Xeberle.com xəbər verir ki, yeniavaz.com -a açıqlanan sonuncu rəsmi statistik məlumatlara istinadən bildirir ki, 15 il əvvəl - 2005-ci ildə ölkədə İİV-ə yoluxanların sayı bundan 7,5 dəfə az - 870 nəfər, QİÇS-li xəstələrin sayı isə bundan 12 dəfə az - 166 nəfər olub.
Onu da qeyd edək ki, 2013-cü ildə Azərbaycanda 18 yaşı tamam olmayan 4 nəfər, 2014-cü ildə 2 nəfər, 2015 və 2016-cı illərin hər birində isə 1 nəfər QİÇS-ə yoluxub.
Məlumat üçün bildirək ki, QİÇS insanın immunçatışmazlığı virusuna (İİV) yoluxması nəticəsində meydana çıxır və CD4+ limfositlərinin (leykosit növü) azalması ilə xarakterizə olunan, mahiyyəti etibarilə İİV infeksiyasının son mərhələsidir. Bu virusa yoluxan insanların immun-müdafiə sistemi kəskin zəifləyir və onlar bir çox xəstəliklərə asanlıqla tutulurlar və bu xəstəliklər ölümlə nəticələnir.
İİV qana yoluxduqdan sonra uzun illər əlamətlər müşahidə edilməyə və insan özünü yaxşı hiss edə bilər. Bəzi hallarda İİV ilə yoluxan şəxsin 8 yaxud 10 il arası QİÇS-ə tutulmadığı görülüb.
Xəbərdən istifadə edərkən istinad etmək vacibdir.
