Bir çox insanlar gün ərzində dəfələrlə barmaqlarını xırçıldadırlar. El arasında bunun bir çox fəsadlara yol açdığı bildirilsə də, çoxları bunun elmi şəkildə izahından xəbərdar deyil. Mütəxəssislər vərdiş halına gətirilən barmaq xırçıldatmağın zaman keçdikcə oynaqlarda qalıcı problemlər yaratdığını bildirirlər.

Okan Universitetinin Fizika Müalicə və Reabilitasiya Şöbəsinin dossenti, həkim Qamze Şenbursa sözügedən mövzu ilə bağlı araşdırma aparıb. Mütəxəssisin sözlərinə görə, bunu vərdiş halına gətirənlərdə yumşaq toxumalarda zədələnmələr əmələ gəlir və barmaqların anlayışa həssaslığı azalır. Səbəb isə oynağın bağlarının sürətli və təkrar şəkildə gərilməsidir.

Mütəxəssis bildirib ki, barmaqları birləşdirib çölə doğru sıxarkən gələn səslər yumşaq toxuma və bağların əhatəsində olan iki sümüyün birləşdiyi yerdən çıxır. İnsan bədənin bütün oynaqlarında qalın, aydın oynaq mayesi var. Barmaqları gərib sıxanda sümüklər bir-birindən aralanır və bu zaman yumşaq toxuma kapsulu dartılır. Belə olan halda, oynaqda olan həcm artır və fiziki qayda olaraq oynaq mayesinin təzyiqi azalır. Maye içində həll olunmuş qazlar qabarcıqlar əmələ gətirir və partlayır ki, bu da xırçıltı səslərinə səbəb olur. Qazların mayedə həll olunması 25-30 dəqiqə çəkir və bu müddət ərzində həmin səslər gəlmir.

Dossent insanların barmaqlarını xırçıldatmasından sonra rahatlıq hiss etmələrini belə izah edir: "Xırçıltı səsi gəldikdən sonra yaranan şəraitdə oynaq hərəkəti atır. Oynaq tərpədildiyində hərkət reseptorlarına siqnallar gəlir və oynağı əhatə edən əzələlər boşalır. Bu isə insanlara rahatlıq hiss etdirir”.

Mütəxəssisin sözlərinə görə, araşdırma zamanı barmaq xırçıldatmağın duzlaşmaya səbəb olmadığı da müəyyənləşib. (sia.az)