2020-ci il 8 noyabr Zəfərindən sonra Cənubi Qafqazda sülhün və təhlükəsizliyin təmin olunması qarşıda dayanan ən vacib məsələlərdən biridir. Müzəffər Ali Baş Komandan Cənab İlham Əliyevin yürütdüyü ardıcıl və məqsədyönlü siyasət də məhz bu məqsədin reallaşdırılmasına yönəldilmişdir. Azərbaycan Respublikası tərəfindən regionda dayanıqlı sülhə nail olunması üçün bütün lazımi addımlar atılır. Təəssüflər olsun ki, biz atılan bu xoş niyyətli addımların Ermənistan tərəfindən qarşılığını görə bilmirik. Əksinə, Ermənistan davamlı təxribatlar törətməklə sülhün əldə olunmasına maraq göstərmədiyini nümayiş etdirir. Quldur erməni silahlı birləşmələri hələ də Azərbaycanın Qarabağ iqtisadi zonasında qalmaqdadır. Ermənistan hələ də separatçılara maliyyə yardımı göstərməkdə davam edir. Orada keçirilən ağır atletika üzrə Avropa çempionatında Azərbaycanın Dövlət Bayrağının yandırılması miskin və rəzil erməni xislətinin mahiyyətini bir daha bütün dünya ictimaiyyətinə əyani şəkildə nümayiş etdirmiş oldu. Lakin bu erməni rəzilliyinə Türk idmançılar yarış meydanlarında əldə etdikləri möhtəşəm uğurlarla qarşılıq verdilər. Onlar böyük qələbələr qazanaraq Türk Bayrağını orada qürurla dalğalandırdılar.
Cənab Prezident İlham Əliyev 18 aprel 2023-cü ildə Salyan şəhərinə səfəri zamanı Azərbaycan Televiziyasına verdiyi müsahibədə bu və ya digər məsələlərlə bağlı geniş açıqlamalar verdi. Müzəffər Ali Baş Komandan Cənab İlham Əliyev bir daha qətiyyətlə vurğuladı ki, Qarabağ iqtisadi zonasında qalmış erməni separatçıları bilməlidirlər ki, onların iki seçimi var: ya Azərbaycan Bayrağı altında yaşayacaqlar, ya da ki, çıxıb gedəcəklər. Azərbaycan vətəndaşlığını qəbul edən, ölkəmizin qanunlarına hörmətlə yanaşan ermənilər dinc şəkildə Qarabağda qalıb yaşaya bilərlər. Azərbaycan çoxmillətli dövlətdir. Ölkəmizdə yaşayan milli azlıqların hüquqları və təklükəzizliyi yüksək səviyyədə qorunur. Eyni hüquqlar erməni millətindən olan vətəndaşlarımıza da şamil olunacaq. Ölkə başçımız əlavə etdi ki, hazırda özləri üçün qondarma adlar uyduran separatçılar, - biri özünü prezident adlandırır, biri özünü nazir adlandırır, biri nə bilim nə parlament sədri adlandırır, - bu təlxəklər toplusu, nəhayət bilməlidir ki, bizim səbrimizlə oynamaq olmaz.
Həm qonşu region ölkələri, həm də dünya ictimaiyyəti əslində bir həqiqəti qəbul etməlidirlər ki, Azərbaycan Respublikasının Qarabağ iqtisadi zonasında yaşayan ermənilərin böyük əksəriyyəti Azərbaycan vətəndaşlığını qəbul etməyə hazırdır. Bu da təbii prosesdir, çünki 30 illik işğal dövründə dilənçi Ermənistan Qarabağda yaşayan erməni əhalisinə yoxsulluqdan başqa heç nə vermədi. Sağlam düşüncəli hər bir erməni yaxşı başa düşür ki, terrorçu, separatçı, vandal bir rejimin əsarəti altında yaşamaqdansa, azad, demokratik, iqtisadi baxımdan çiçəklənən, gələcəyi daha işıqlı olan Azərbaycan Respublikasının vətəndaşı kimi yaşamaq ilk növbədə onların mənafelərinə uyğundur. Məhz Azərbaycan dövləti milliyətindən asılı olmayaraq öz vətəndaşına daha parlaq gələcək vəd edir.
Cavid Məmiyev
YAP Sumqayıt şəhər təşkilatının sədr müavini
Xəbərdən istifadə edərkən istinad etmək vacibdir.
