"2001-ci ildə Ki-Uest sammitində Ermənistan və Azərbaycan konfliktin həllinə heç vaxt olmadığı qədər yaxın idilər”.Bu sözləri Ermənistan mətbuatına müsahibəsində amerikalı siyasi analitik, məşhur "Pol Qobl planı”nın müəllifi Pol Qobl deyib.
Politoloqun sözlərinə görə, o vaxt Ki-Uestdə danışıqlar stolu üzərində olan sənədin əksər bəndləri onun əvvəl irəli sürdüyü ərazi mübadiləsi planına həddən ziyadə uyğun olub: "Tərəflər qərara gəlməyə çox yaxın idilər. Çünki prezidentlər Heydər Əliyev və Robert Köçəryan eyni vaxtda öz xalqlarına sədaqəti hakimiyyətlərindən üstün tutdurdular və kənardan müdaxilə olmasaydı, yekun anlaşma əldə olunacaqdı”.
"Kənar müdaxilə” dedikdə o, Rusiyanı nəzərdə tutduğunu söyləyib. "Xarici qüvvələrdən ilk öncə Rusiya Azərbaycanla Ermənistana Qarabağ konfliktinin yekun həllinə imkan vermədi”, - deyə nüfuzlu təhlilçi qeyd edib.
Analitikin qənaətncə, problemin həll olunmamış qalması Moskvadan ötrü strateji önəm daşıyır: "Çünki Cənubi Qafqaza nəzarəti əldə saxlamadan Şimali Qafqaza nəzarət eləmək mümkün olmazdı. Başqa yandan, Qərb də stabil status-kvonun saxlanmasının tərəfdarıdır”.
Xatırladaraq ki, Pol Qobl ötən əsrin 90-cə illərində ABŞ dövlət katibinin xüsusi məsləhətçisi postunu tutub. Dağlıq Qarabağda separatçı hərəkat başlayanda o, problemin ərazi mübadiləsi əsasında həll təklifini irəli sürmüşdü. Plana görə, Ermənistanın Mehri rayonu Dağlıq Qarabağ və "Laçın dəhlizi” ilə dəyişdirilməli idi. Lakin o zaman nə Bakı, nə də İrəvan buna razılıq vermədi.
Özünün ilkin təklifinə toxunan politoloq bunun o zaman üçün "çox yaxşı ideya” olduğunu söyləyib. "Ancaq bu gün üçün o, nizamlama prosesinə uyuşmur”, - deyə o, əlavə edib.(musavat.com)
Xəbərdən istifadə edərkən istinad etmək vacibdir.
