Cari ilin yanvar ayında "Azərikimya” İstehsalat Birliyinin Etilen-polietilen zavodunda iki aylıq ödənişli istehsalat təcrübəsi keçmək üçün SOCAR-ın İnsan Resursları Departamenti ilə birgə elan olunmuş müsabiqəyə yekun vurulmuşdur. Mühəndis-mexanik (mexanika mühəndisliyi, mühəndis-mexanik, kimya istehsalının maşın və avadanlıqları, texnoloji maşınlar və avadanlıqlar), mühəndis-energetik (energertika və elektroenergetika mühəndisliyi, mühəndis-elektronçu, elektroenergetika sistemləri və şəbəkələri, elektrik təchizatı, yüksək gərginliklər texnikası və fizikası və elektrotexnologiya, elektroenergetika mühəndisliyi), nəzarət ölçü cihazlari və avtomatika üzrə mühəndis (istehsal proseslərinin avtomatlaşdırılması mühəndisliyi, avtomatika və idarəetmə, avtomatika və texniki sistemlərdə idarəetmə, proseslərin avtomatlaşdırılması mühəndisliyi), mühəndis-texnoloq (kimya mühəndisliyi, kimyaçı-texnoloq) və kimyaçı (kimya mühəndisliyi, kimyaçı) ixtisasları üzrə elən olunmuş müsabiqəyə 146 nəfər bakalavr təhsilli, əsas etibarilə Sumqayıt qeydiyyatında olan gənc müraciət etmişdir. SOCAR-ın İnsan Resursları Departamentinin nümayəndələrinin və "Azərikimya” İstehsalat Birliyini Etilen-polietilen zavodunun mütəxəssislərinin iştirakı ilə keçirilən ilkin seçim müsabiqəsində daha fəal olan və sualları düzgün cavablandıran 31 nəfər gənc kadr növbəti mərhələyə vəsiqə almış və "Azərikimya”da iki aylıq ödənişli (əmək haqqı almaqla) təcrübə keçmək hüququ qazanmışdır. Aprelin 3-də "Azərikimya” İstehsalat Birliyinin Etilen-polietilen zavodunda haqqıda söhbət açdığımız və bu gündən etibarən istehsalat təcrübəsinə başlayacaq 31 nəfər gənclə görüş keçirilmişdir. Etilen-polietilen zavodunun direktoru Oqtay Niftəliyev gənc mütəxəssis¬ləri salamlamış, onlara təcrübə dövründəki fəaliyyətlərində uğurlar arzulamışdır. Müəssisənin aparıcı mütəxəssisləri gənclərə istehsalat sahələri haqqında ətraflı məlumat vermiş, gənclər vieo-çarx vasitəsilə mövcud istehsalatlarla tanış olmuşlar. Sabahın gənc kadrlarlərı əməyin mühafizəsi və təhlükəzizlik texnikası üzrə təlimatlandırıl¬dıqdan sonra müəssisənin Piroliz qazının sıxılması və təmizlənməsi, Qazayırma, Etilenin qəbulu və sıxılması, Sintez, Metroloji təminat və avtomatika, Elektrik avadanlıqlarının təmiri və istismarı, Buxar və elektrik enerjisi istehsalatı sahələrində, İstehsalata və keyfiyyətə nəzarət, həmçinin Elektrotexniki laboratoriyalarında onlar üçün xüsusi olaraq ayrılmış mütəxəssislərin rəhbərliyi və nəzarəti altında təcrübəyə başlamışlar. İki aylıq ödənişli təcrübədən və təcrübə rəhbərinin müsbət rəyinindən sonra, bu gənclər SOCAR-ın İnsan Resursları Departamentində test imtahanından keçərək elan olunmuş vakansiyalar üzrə işlə təmin olunmaq şansı əldə edəcəklər.