Son 9 ay ərzində mənzil fondunun saxlanılması, dam örtüyünün yenidən qurulması, fasadların təmiri sahəsində xeyli işlər görülüb.
Xeberle.comməlumat verir ki, bu fikirlər Sumqayıt şəhərində 2017-ci ilin son 9 ay ərzində sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağında səsləndirilib.
Hesabatda bildirilib ki, 9, 10, 11, 12 və 13-cü mikrorayonlarda 100 yaşayış binasında dam örtüyü yenidən qurulub, metal-kirəmitlə əvəz edilib. Hazırda 300-dən artıq binanın isə dam örtüyünün əsaslı təmirə ehtiyacı var. 34, 45-ci məhəllələrdə və 9-cu mikrorayonda 42 yaşayış binasında 100 min kvadratmetrdən çox fasad hissə təmir olunaraq rənglənib. Bundan əlavə 16 yaşayış binasında 4300 kvadratmetr şifer, 25 binada 24630 kvadratmetr yumşaq dam örtüyü təmir edilib. Azərbaycan və Nəriman Nərimanov küçələrində 4 yaşayış binasında 3765 kvadratmetr fasad "Aqlay daşı” ilə üzlənib.
Bunlardan əlavə, 537 yaşayış binasının pilləkən qəfəsləri əsaslı təmir edilib, 137 binada işlər hal-hazırda davam etdirilir. 369 binanın zirzəmisi məişət tullantılarından, 115-i çirkab sulardan, 11-i isə qrunt sularından təmizlənib.
Hicranə İsmayılova
Xeberle.com

Xəbərdən istifadə edərkən istinad etmək vacibdir.