Son günlər şok keçirdim. Millət Vəkili Azərbaycanın elm dühası haqqında dediklərindən görəsən xəbərdardımı?

Millətə xidmət indeksi haqqında məlumatı olmadığından belə müsahibələr verir.

Hazırda Lütfüzadənin millətə xidmət indeksi o qədər yüksəkdir ki, mütəxəssis olmasan onu dərk edə bilməzsən.

Mən amerikalı alim Teylorla 4000 yaşı olan qədim Gəncədə olarkən o, qədim şəhərin divarlarına baxaraq dedi:

"4000 yaşlı bu divar qalıqları Azərbaycan türkünə dünya mədəniyyət tarixində ən yüksək yeri haqq etdiyini göstərir. Dünyanın ən qədim mədəniyyət sahibi olan Azərbaycan türkü qarşısında baş əymək lazımdır".

Unutmayın tariximiz, tarixi şəxsiyyətlərimiz haqqında dedikləriniz kimliyinizi, daha dəqiq ifadə etsək kimə xidmət etdiyinizi ortaya qoyur və tərcümeyi-halınızın bir parçasına çevrilərək dünya dayandıqca sizinlədir.

Son vaxtlar tariximizə qara eynəklə baxmaq mod olub.

Babək, Şah İsmayıl, Cavad xan, Nadir şah, Ağa Məhəmməd şah Qacar, Məmməd Əmin Rəsulzade ve silahdaşları, Səməd Vurğun və başqalarına hücumlar var. Hətta Milli Qəhrəman Mübariz İbrahimova da hücum edənlərin olması çox düşündürücüdür.

Sual çıxır ətrafımızda olanları tanıyırıqmı? Bizdə xarici dövlətlərin layihələrini işləyənləri tanıyırıqmı?

Xaricilərin pul kisəsinə bağlı olanda belə danışmaq olar?

Qorunmalı olan yalnız ölkənin sərhədləri deyil. Qədim tarixə sahib olan Azərbaycan türkünün milli mənəvi dəyərlərinin qorunması ziyalıların müqəddəs vəzifəsidir.

Azərbaycan Respublikasının Prezidenti, İlham Əliyev bütün ziyalıları həmrəy olub milli mənəvi dəyərləri qorumağa çağırır.

Biz ziyalılar, hələ də vəzifəmizi istisnalar nəzərə alınmazsa yerinə yetirməmişik.

Tarixdən məlumatları olmadığı halda tarixi şəxsiyyətlərimizin təftişine başlayanlar çoxalıb ve təəssüf olsun ki, onların mövqeyi ilə Ermənilərin mövqeyi arasında fərq görünmür.

Tariximizə o qədər biganə yanaşırlar ki, sanki ayrı qan daşıyırlar .

Onlara dur deyilməlidir .

Tarixi şəxsiyyətləri təftiş etmək çox asandır.

Axı, onların yuxarılarda babaları, ataları yoxdur.

Milli Məclisin vəkillərindən bir neçəsi uzun illərdir ki, seçicilərinin səsi olduğunu unudaraq tariximizin, seçicilərin tarixinin açıq düşməni olduğunu ortaya qoyurlar.

Görəsən o vəkiller onu seçənlərlə "görüşəndə" nədən hesabat verirlər ?

Bəlkə də artıq seçicilərin səsine ehtiyacı yoxdur? Niyə?

Hər halda xalqın-onların hesabat vermədiyi vəkillərə seçki sandığını məzara çevirəcəyi gün uzaqda deyil.

HÖRMƏTLİ SEÇİCİLER, seçdiklərinizdən Vətən tarixinə hörmət tələb etmək sizin qanuni haqqınızdır.

Böyük alim - LÜTFÜZADƏ şəkildə onun haqqında danışır.

Həsənbala Sadıqov

Tarix elmləri doktoru, Professor, Azərbaycan Respublikasının Əməkdar Müəllimi

11 avqust 2017 Gəncə